1 THESSALONIKEK 2:12 - BUKUIT NE TILIIL Sireet ne Dutero Kanon

¹² si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

Bukuit Ne Tilil

¹² si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

BUKUIT NE TILIL

¹² si kobiit obendate ko u ye nyolu eng’ Jehovah, ne kuurjinok bounatennyi ak torornatet.

1 THESSALONIKEK 2:12 ပူးပေါင်းရင်းမြစ်များ

TAUNET 5:22

Ki pendat Enok ak Kamuktaindet eng' kenyiisyek pogol somok ye kingo kagosich Methuselah ak ki sich weeriik alak ak tiibiik.

2 ATEPTAP PEETUUSYEK 17:4

ago ki cheeng' Kiptaiyat Kamuktaindetap kwandanyi ak kowendote ng'atuutikyik, ama isup tuguuk che ki yai Israel.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

GALATYEK 5:16

Amu amwae anyun ale, Obendoti eng' Kabuuset ne Tiliil, si moyai mageetap poorto.

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

KOLOSAIK 2:6

Ko uu ye ki otaach anyun Kristo Jeso Kiptaiyat, obendate eng' ineendet,

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 4:12

si obendate ko uu ye nyolu eng' taitap icheek che mi saang', si mobanan kiy age tugul.

1 THESSALONIKEK 5:24

Ineendet ne kuurok ko ineendet ne kiyani, ne yaei nooto agine kosulda.

2 THESSALONIKEK 1:10

ye tuun nyo si kobiit kitoroor eng' chechiik che tiliileen; ak kekwong'ee icheek tugul che iyani (amu ki kiyan paornatennyo eng' okweek), eng' peetuunooto.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 3:9

che mayaaktoi yaityo eng' yaityo, anan ko ng'emetap kuut eng' ng'emetap kuut; ago oegu che iberuurisyei; amu ki kiguurchok niito, si onam kaberuret.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

1 JOHANA 2:6

ineendet ne mwaei kole menyei eng' ineendet konyaaljin agine kowendot ko uu ye kiga wendot ineendet.

3 JOHANA 1:6

che paoryani agobo chamyeng'ung' eng' kaniset. Iyae ne myee ye iyomisi eng' pandanywa ko uu ye nyolu eng' Kamuktaindet;