1 THESSALONIKEK 1:5 - BUKUIT NE TILIIL Sireet ne Dutero Kanon

⁵ keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

Bukuit Ne Tilil

⁵ keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

BUKUIT NE TILIL

⁵ kele kima bwanjok logoiywekyok che miach eng’ ng’olyot kityo, ago eng’ kimnatet agine, ak eng’ Tamirmiriet ne Tilil ak eng’ naet ne ongen inne; ko u ye ongen ole kigi bik che u nee eng’ taing’wong’ agobo okwek.

1 THESSALONIKEK 1:5 ပူးပေါင်းရင်းမြစ်များ

ISAIAH 55:11

uu nooto ng'olyoondennyu ne mang'une kutinnyu: ma weekyinagei puch, ago yaei kosulda kiit ne amache, ak koboorei eng' kiit ne kiayooktochine.

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

LUKA 1:1

Amu ki konde eunekwak che chaang' kotet ng'aleek agobo tuguuchooto ki kosulda eng' kwenunnyo,

POISYONIGAP CHE KIYOKTOI 11:21

Ki mi eutap Kiptaiyat kobooto icheek, ak ki iyan piik che chaang' konam ng'aleegap Kiptaiyat.

POISYONIGAP CHE KIYOKTOI 16:14

Ki mi kobogoryot age ne ki kiguure Lydia, ne ki ilasu Kamuktaindet. Ki po nganaseet ne kiguure Thyatira, ak ki aldaindetap ngoroik che arusen ne piriir. Ye kigaseech, koyaat Kiptaiyat muguleldanyi koepchi iit ak kotaach tuguuk che ki mwaei Paulo.

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

1 KORINTOEK 1:24

ago eng' icheek che ki kiguur, Yahudik kobooto Yunanik, Kristo ko kamuktaetap Kamuktaindet, ak utaatyetap Kamuktaindet.

1 KORINTOEK 10:33

agot ko uu ye aboiboi piik tugul eng' tuguuk tugul, ma cheeng'e kelunennyu aneege, ago kelunet ne po che chaang', si kobiit kesar.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

1 KORINTOEK 3:6

Ki agoole, kobisi Apolo; ago ki ibit Kamuktaindet.

1 KORINTOEK 4:20

Amu laitornatetap Kamuktaindet koma eng' ng'olyoot, ago eng' kamuget.

1 KORINTOEK 9:14

Ki ng'at ko uu nooto Kiptaiyat kole icheeget che amdaati logoiywek che myach kosaptos eng' logoiywek che myach.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

GALATYEK 2:2

Ak ki atogoste eng' ng'ang'utyet; ak ki atetyi icheek logoiywek che myach che aamdooti eng' kwenutap Pororyosyek, ago eng' ung'oot eng' icheeget che taagunotiin, si ma egu, eng' oor age tugul, ne alabati puch, anan ne kialabat puch.

GALATYEK 5:5

Amu kigeni kamang'unet ne po imanda eng' Kabuuset ne Tiliil eng' kayaneet.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.

PILIPIK 4:9

Tuguuk che ki oneetkei ak che ki otaach ak che ki ogas ak che ki ogeer eng' anee, oyai tuguuchooto: ak kotep kobootok Kamuktaindet ne po kaalyeet.

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

2 TIMOTEO 2:8

Ibwaat Jeso Kristo, ne king'eet eng' che ki kobek, ne po kesweegap Daudi, ko uu logoiywekyuk che myach:

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 6:11

Ak kimache miising' chii age tugul eng' okweek keele kobarta kagiilonooto pogei eng' nyiietap kamang'unet agoi kagesunet:

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 5:3

amoegu kiptainik eng' che otononjini, ago oegu kaboorunoik eng' akweet.

2 PETERO 1:10

Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

2 PETERO 1:19

Ak ki tinyei ng'olyootap maonateet ne po iman inne; ne oyae ne myee ye oriip, ko uu tait ne ikweng'sei eng' ole imen, kot koeech, ak kochorchi mugulelwekwok taboiyatap karon: