1 THESSALONIKEK 1:3 - BUKUIT NE TILIIL Sireet ne Dutero Kanon

³ kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

Bukuit Ne Tilil

³ kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

BUKUIT NE TILIL

³ kibwati ne magisise, boisieng’wong’ ne bo kayanet ak boisiet ne uui ne bo chamnyet ak muitaetab kamang’unet eng’ Kiptaiyandennyo Jesu Kristo, eng’ taitab Jehovah nenyo ak ko Kwanda;

1 THESSALONIKEK 1:3 ပူးပေါင်းရင်းမြစ်များ

TAUNET 29:20

Ki oot anyun `Jakobo ineendet kenyiisyek tisap agobo Rael, ak ki keer ko uu peetuusyek che ng'ering' chooto, amu chamyet ne kiting'e ineendet.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

TYENDO NE SIIREI TUGUL 8:7

Ma imuuchi peek che chaang' kotis chamyet, ama imaluuchi maranosyek. Ngot kogoito chiito tuguukyik tugul che po koonnyi agobo chamyet, kesasei miising' kot.

JOHANA 14:15

Ngot ochama, oriibe ng'atuutikyuk.

JOHANA 15:10

Ngot oriibe ng'atuutikyuk, otebye anyun eng' chamyennyu; ko uu ye ki ariip ng'atuutik che po Abba, ak atebye eng' chamyennyi.

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

ROMANIK 12:12

oboiboitu eng' kamang'unet; omuitoi eng' nyalilda; ogiiljigei saaet kotugul;

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 15:4

Amu tuguuk alak tugul che ki kisir keny ko ki kisir si kinetkei, si kenyooru kamang'unet eng' muitaet ak eng' kagaigaet ne po siruutik.

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

ROMANIK 16:6

Ogat Maria, ne kiboisyewok eng' poisyet ne oo.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

1 KORINTOEK 13:13

Ago tebyei nguno kayaneet, kamang'unet, chamyet, chuuto somok; ago ne oo eng' chuuto ko chamyet.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

2 KORINTOEK 2:17

Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 5:13

Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

1 THESSALONIKEK 3:6

Ago, ye kingo nyo Timoteo kobunu olong'wong', ak koibwech logoiywek che po poiboiyet che po kayaneng'wong' ak chamyet, ak otinye kabwaatet ne myee ne obwaatech kotugul, oting'enech emosto omache ogeerech, ko uu ye kimache agacheek kegeerok;

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

1 TIMOTEO 2:3

Myee niito ak ko taagaksei eng' taitap Kamuktaindet Yetindennyo;

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

HEBRANIK 11:17

Kingo kagetyem Abraham, kogoito Isak eng' kayaneet: ee, ki igoitoi nenyi ne ki kisich ineegei, ineendet ne kiga taach arorutik eng' poiboiyet;

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

HEBRANIK 4:11

Ongigiilgei anyun si keit kamuung'onooto, si ma ibut chii age tugul eng' kergeinooto po ngelelnateet.

HEBRANIK 6:15

Ak uu nooto, kingo kagomuita, konyoor arorutyet.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 JOHANA 3:18

Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.

1 JOHANA 3:21

Chamanichu, ngot koma irwokwech mugulelwekyok ketinye nyiganateet eng' taitap Kamuktaindet;

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.

1 JOHANA 5:3

Amu ni chamyetap Kamuktaindet, ale keriip ng'atuutikyik: ama nyigiisen ng'atuutikyik.

NG'ANG'UTYET 2:19

“Angen poisyoniguk, angen chamyeng'ung' ak kayaneng'ung', otisyeng'ung' ak muitaeng'ung', ak angen ale chaang' poisyoniguk che po let kosiir che po tai.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.