1 THESSALONIKEK 1:10 - BUKUIT NE TILIIL Sireet ne Dutero Kanon

¹⁰ ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

Bukuit Ne Tilil

¹⁰ ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

BUKUIT NE TILIL

¹⁰ ak ogeni Werinnyi ne bunu kipsengwet, ne kiing’eet komong’ eng’ che kibek, inendet Jesu, ne soruech eng’ nereknatet ne nyonei.

1 THESSALONIKEK 1:10 ပူးပေါင်းရင်းမြစ်များ

TAUNET 49:18

Ki agen yetuneng'ung', ee Kamuktaindet ne Toroor.

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

LUKA 3:7

Ki mwachi anyun tuiyosyek che kibendi ole mi ineendet, si kobatisan, koleenji, “Ee okweek lagogap erenook che tinye ng'wonet, ng'oo ne kagoteeiywok omweune nereeknateet ne tuun nyoonei?

POISYONIGAP CHE KIYOKTOI 1:11

ak ki mwa kole, “Okweek piigap Galilaya, kalya si otononse ak onyali kipsengwet? Jeso niito, ne kagimut kwo kipsengwet, ko tuun nyoonei ko uu yu kogeere kowendi kipsengwet.”

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

POISYONIGAP CHE KIYOKTOI 2:32

Ki ing'eet `Kamuktaindet Jeso niito, ne ki paorinikyik acheek tugul.

POISYONIGAP CHE KIYOKTOI 3:15

ak ki obar Ne Oo ne po saboondo; ne ki ing'eet Kamuktaindet eng' che ki pek; kibaorinigap nooto acheek.

POISYONIGAP CHE KIYOKTOI 3:21

ne kanyool kotaach kipsengwet agoi peetuusyek che kiwale tuguuk tugul komiagitu, che king'alaalee Kamuktaindet eng' kutuswegap maotikyik che tiliileen che ki mi kobooch taunetap ng'wony.

POISYONIGAP CHE KIYOKTOI 4:10

ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek.

ROMANIK 1:4

ne ki kimwaita keele Weeriitap Kamuktaindet eng' kimnateet, ko uu Kabuuset ne po tiliilindo, eng' ng'eetyeetap che ki pek; Jeso Kristo Kiptaiyandennyo,

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 8:34

ng'oo ineendet ne igikyin? Kristo Jeso ne kime, ee, ineendet ne ki king'eet komang'une che ki pek, ne mi eutap tai ne po Kamuktaindet, ne saiywech agine.

1 KORINTOEK 1:7

si moletu eng' konunotyot age tugul; ogeni ng'ang'utyetap Kiptaiyandennyo Jeso Kristo.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

PILIPIK 3:20

Amu ki piigap kipsengwet: che kigeni Yetindet kobun olooto, Kiptaiyat Jeso Kristo:

KOLOSAIK 1:18

Ak ineendet metitap poorto, nooto kaniset: ineendet taunet, taunindetap che ki mong' eng' che ki pek; si kobiit koek ne oo eng' tuguuk tugul.

1 THESSALONIKEK 1:7

kot oegu kaboorunoik eng' tugul che iyani eng' Makedonia ak eng' Akaia.

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

1 THESSALONIKEK 2:7

Ago ki kitalaen eng' kwenung'wong', ko uu paindet ne paei lagokyik:

1 THESSALONIKEK 5:9

Amu ki ma lewenjech Kamuktaindet nereeknateet, ago nyoorunetap yetunet eng' Kiptaiyandennyo Jeso Kristo,

2 TIMOTEO 4:1

Kang'atiin anyun eng' taitap Kamuktaindet, ak Kristo Jeso, ne tuun irwookyin che saptos ak che ki kobek, ak eng' tagunennyi ak eng' laitornatennyi;

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 2:21

Amu ki kiguurchok niito: amu kinyalil Kristo agine agobo okweek, kobagakwok kaboorunet, si kobiit osup tyegutikyik:

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

2 PETERO 3:12

ogeni nyonunetap peetuutap Kamuktaindet, ak ogiili, amu nooto anyun chotoos kipsengwet eng' maat, ak kochootyo tuguuk tugul che ki kiyae parak eng' maat ne koroom?

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.