1 SAMUEL 30:4 - BUKUIT NE TILIIL Sireet ne Dutero Kanon

⁴ Kiwaach `Daudi ak piik che ki mi kobooto ineendet, ak koriiryo kot koma komuuchi koriiryo.

Bukuit Ne Tilil

⁴ Kiwaach `Daudi ak piik che ki mi kobooto ineendet, ak koriiryo kot koma komuuchi koriiryo.

BUKUIT NE TILIL

⁴ Ak kiwaach Daudi ak bik che kimi koboto inendet, ak koririo, kot ko ma komuchi koririo.

1 SAMUEL 30:4 ပူးပေါင်းရင်းမြစ်များ

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

KAITOSYEK 14:1

Kiwaach anyun tuiyet komugul koriiryo ak ki iteiyo kemout komugul.

KAITOSYEK 14:39

Ye kingo mwachi `Musa piigap Israel ng'aleechuuto tugul, koriiryo icheek miising'.

KIRUOGIK 2:4

Kingo kagomwachi malaikaiyatap Kamuktaindet ne Toroor ng'aleechu lagok tugul che po Israel, kowaakyo ak koriiryo miising'.

KIRUOGIK 21:2

Ki pwa piik Bethel ak kotep ng'wony eng' yooto eng' taitap Kamuktaindet kot koit koskoleny, ak kowaach, ak koriiryo ne ng'waan.

1 SAMUEL 11:4

Kingo it anyun piik che kiga kiyookto Gibea ne po Saulo ak komwachi piik ng'aleechuuto kogas, kowaach piik tugul ak koriiryo.

1 SAMUEL 30:3

Kingo it `Daudi ak piikyik nganaseet, ko kiga kebeel ak keluul osotikwak, weeriikwak ak tiibiikwak.

1 SAMUEL 4:13

Ye kingo it, ko ki tebee `Eli ng'echerennyi eng' tabandap ooreet koriipsei, amu kibotani muguleldanyi agobo moingetap Kamuktaindet. Kingo it chiichooto nganaseet ak komwa ng'aleechooto, kowaach nganaseet tugul.