1 LAITORINIK 8:66 - BUKUIT NE TILIIL Sireet ne Dutero Kanon

⁶⁶ Ki mwachi piik koba eng' peetuutap sisiit, ak ki iberuur icheek laitoryat, ak koba emaisyekwak koboiboen, kogasategei eng' mugulelwekwak amu myeeindo tugul ne ki yachi `Kamuktaindet ne Toroor Daudi otwogindennyi ak Israel piikyik.

Bukuit Ne Tilil

⁶⁶ Ki mwachi piik koba eng' peetuutap sisiit, ak ki iberuur icheek laitoryat, ak koba emaisyekwak koboiboen, kogasategei eng' mugulelwekwak amu myeeindo tugul ne ki yachi `Kamuktaindet ne Toroor Daudi otwogindennyi ak Israel piikyik.

BUKUIT NE TILIL

⁶⁶ Kimwachi bik koba eng’ betutab sisiit, ak kiiberur ichek laitoriat, ak koba emaisiekwak koboiboen, kogasotegei eng’ mugulelwekwak amu mieindo tugul ne kiyachi Jehovah Daudi otwogindennyi, ak Israel bikyik.

1 LAITORINIK 8:66 ပူးပေါင်းရင်းမြစ်များ

TAUNET 47:7

Ki imut anyun `Joseph kwandanyi kwo taitap Pharaoh, ak ki iberuur `Jakobo Pharaoh.

1 LAITORINIK 8:1

Ki iyum anyun `Solomon poisyek che po Israel, kandoik tugul che po ortinwek ak pounigap kwanisyegap piigap Israel kobwa ole mi Laitoryat Solomon eng' Jerusalem, koip moingetap arorutyetap Kamuktaindet ne Toroor kotogos eng' nganaseetap Daudi, ne nooto ko Zion.

1 LAITORINIK 8:47

ago ngot kobwaatkei eng' emet ne ki kimut koek luulenik, ak kosik, koriirchin eng' emetap piik che ki imut icheek koluul, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

1 LAITORINIK 8:65

Ki yai anyun Solomon igoorto eng' peetuusyechooto, kobooto Israel tugul, tuiyet ne oo, kong'etee ye kibunei kebendi Lebo-hamath agoi aineetap Misiri, eng' taitap Kamuktaindet ne Toroor, Kamuktaindennyo, peetuusyek tisap konyil aeng', tugul ko peetuusyek taman ak ang'wan.

1 LAITORINIK 9:1

Kingo kagogees Solomon teekseetap kootap Kamuktaindet ne Toroor, kobooto kootap laitoryat ak tuguuk tugul che kimachei Solomon koyai,

2 ATEPTAP PEETUUSYEK 29:36

Ak ki paibait Hezekiah, kobooto piik tugul, amu otisyonooto kiga chopchi `Kamuktaindet piik; amu kiyaak ng'olyoondonooto eng' yooto.

2 ATEPTAP PEETUUSYEK 30:26

Ki piit poiboiyet ne oo anyun eng' Jerusalem, amu kobooch eng' peetuusyegap Solomon weeriitap Daudi laitoryatap Israel ko ki tomo kobiit kiit ne uu nooto eng' Jerusalem.

2 ATEPTAP PEETUUSYEK 7:10

Eng' peetuutap tiptem ak somok ne po arawetap tisap ko ki mwachi piik koba emaisyekwak, eng' poiboiyet ak kagasetapkei ne po muguleldo amu myeeindo ne ki yachi Kamuktaindet ne Toroor Daudi ak Solomon ak Israel piikyik.

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

NEEMIA 9:25

Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

TIENWOGIKAL 122:6

Osoomji kaalyeet Jerusalem: “Nyooru poroteet icheek che chamin.”

TIENWOGIKAL 122:9

Amu kootap Kamuktaindet ne Toroor, Kamuktaindennyo acheeng'un myeeindo.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

SEPANIA 3:14

Tyen, ee cheptap Zion; waach, ee Israel! Igaskei ak ibaibaitu eng' muguleldang'ung' tugul, ee cheptap Jerusalem!

SEKARIA 9:17

Amu oo ne tya myeeindonyi ak korooronindonyi! Igoochin `peek murenik koneryo, ak kogoochin `divaik che leelach tiibiik koneryo.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

POISYONIGAP CHE KIYOKTOI 2:46

Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 12:18

Ago iame tuguuchooto eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung' ak otwogeng'ung' ne muren ak ne tye ak Lawindet ne mi kurgotiguk. Ak ibaibaitu eng' taitap Kamuktaindet ne Toroor Kamuktaindeng'ung' eng' kiy age tugul ne iyae euneguk.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

JOSHUA 22:6

Ki iberuur anyun `Joshua icheek ak koleenji koba, ak ki pa emaisyekwak.