1 LAITORINIK 8:65 - BUKUIT NE TILIIL Sireet ne Dutero Kanon

⁶⁵ Ki yai anyun Solomon igoorto eng' peetuusyechooto, kobooto Israel tugul, tuiyet ne oo, kong'etee ye kibunei kebendi Lebo-hamath agoi aineetap Misiri, eng' taitap Kamuktaindet ne Toroor, Kamuktaindennyo, peetuusyek tisap konyil aeng', tugul ko peetuusyek taman ak ang'wan.

Bukuit Ne Tilil

⁶⁵ Ki yai anyun Solomon igoorto eng' peetuusyechooto, kobooto Israel tugul, tuiyet ne oo, kong'etee ye kibunei kebendi Lebo-hamath agoi aineetap Misiri, eng' taitap Kamuktaindet ne Toroor, Kamuktaindennyo, peetuusyek tisap konyil aeng', tugul ko peetuusyek taman ak ang'wan.

BUKUIT NE TILIL

⁶⁵ Kiyai anyun Solomon igorta eng’ betusiechoto, koboto Israel tugul, tuiyet ne o, kong’eete ye kibunei kebendi Hamat agoi ainetab Misri, eng’ taitab Jehovah Kamuktaindennyo, betusiek tisab ak betusiek tisab, tugul ko betusiek taman ak ang’wan.

1 LAITORINIK 8:65 ပူးပေါင်းရင်းမြစ်များ

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

1 LAITORINIK 3:15

Kigos anyun Solomon, ak konai kole kaagaa karwotitoet. Ki nyo Jerusalem, ak kotonon eng' taitap moinget ne po arorutyetap Kamuktaindet ne Toroor. Ki igoito kagoochinoik che kibeelei ak kagoochinoigap kaalyeet, ak koyachi igoorto otwogikyik tugul.

1 LAITORINIK 4:21

Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

1 LAITORINIK 4:24

Amu ki pou kooret tugul ne po aineet Yufrets, Tiphsah agoi Gaza, kiboi laitorinik tugul che mi aineet komosi. Ki chamdos ak piik che ki mi komoswekyik tugul.

1 LAITORINIK 8:2

Ki iyumgei piik tugul che po Israel eng' ole kimi Laitoryat Solomon eng' igoorto, eng' arawetap Etanim, ne arawetap tisap.

1 LAITORINIK 8:66

Ki mwachi piik koba eng' peetuutap sisiit, ak ki iberuur icheek laitoryat, ak koba emaisyekwak koboiboen, kogasategei eng' mugulelwekwak amu myeeindo tugul ne ki yachi `Kamuktaindet ne Toroor Daudi otwogindennyi ak Israel piikyik.

2 LAITORINIK 14:25

Ki weech ineendet kiwotetap Israel kobooch ye kibunei kebendi Lebo-hamath agoi nyanjetap Arabah, ko uu ng'olyootap Kamuktaindet ne Toroor, Kamuktaindetap Israel, ne ki mwa eng' otwogindennyi Jona maotyot, weeriitap Amitai, ne ki po Gat-heper.

2 LAITORINIK 17:24

Ki imut `laitoryatap Assyria piik eng' Babilon, Kuta, Aba, Hamath ak Separbaim ak konde icheek nganasoogap Samaria kogeer piigap Israel. Ki punji icheek Samaria ak komeny nganasookyik.

2 LAITORINIK 23:33

Ki rat `Pharaoh-neko ineendet eng' Ribla eng' emetap Hamath, si ma laitoran eng' Jerusalem, ki ng'at emet kogoon aisuruut, keruutik eliphuusyek somok ak pogol ang'wan che po fedha, ak kiloisyeksosom ak ang'wan che po thahabu.

1 ATEPTAP PEETUUSYEK 1:16

Aribadik, Semariik ak Hamatiik.

1 ATEPTAP PEETUUSYEK 13:5

Koyum anyun Daudi tuiyet tugul ne po Israel, kobooch Sihor aineetap Misiri kot koit ole kimandoe Lebo-hamath, koip moingetap Kamuktaindet eng' Kiriath-Jearim.

2 ATEPTAP PEETUUSYEK 30:13

Ki iyumjigei Jerusalem tuiyet ne ki oo kot si koriip igoortap magatiinik che ma kinde mermereek eng' arawetap aeng'.

2 ATEPTAP PEETUUSYEK 30:23

Ki chamyechi anyun tuiyet komugul kole kota koriip igoorto peetuusyek alak tisap; ak ki riip peetuusyek alak tisap eng' kagasetapkei.

KOMONG'U 23:31

Andoi kiwoteng'ung' koboochit Araraita ne Piriir agoi nyanjetap Mediterenian ak koboochit surkwen agoi aineet. Amu andoi piigap emonooto eunekwok, si ioon icheek koba eng' taing'ung'.

ISAIAH 27:12

Tuun pirei Kamuktaindet ne Toroor eng' peetuunooto logoekyik korara, kobooch nyiietap Aineetap Yufrets agoi kererutap Misiri, ak kiyumak agenge agenge, ee okweek lagogap Israel.

EZEKIEL 47:19

Egu kiwotetap komostap tai kobooch Tamar agoi peegap Meriboth-kadesh, agoi kererutap Misiri, agoi nyanjetap Mediterenian. Egu niito komostap murot tai.

AMOS 6:14

Mwaei Kamuktaindet ne Toroor, Kamuktaindet ne po lugoosyek, kole, “Ee, kootap Israel, nai ni ile, ang'eeti pororyet si obargei, ak konyaliilak kobooch ole kibunei kebendi Lebo-hamath agoi kereruut ne po Arabah.”

AMOS 6:2

Osiirte oba Kalne, ak ogeer; ak obe eng' olooto agoi Hamath ne oo; yeityo ochoorchigei Gath ne po Philistiik. Tos myachen icheek kosiir pounatosyechu? Anan tos oo kiwotennywa kosiir neng'wong'?

KAITOSYEK 34:5

Yeityo koweigei kiwateet kong'etee Asmon agoi kererutap Misiri ak koboochit kiwotosyekyik Nyanjet ne po Mediterenian.

KAITOSYEK 34:8

ak kobooch tulweetap Hor, oaroroti agoi ye kimandoe kebendi Lebo-hamath, ak poochitu kiwotennyi Sedad,

JOSHUA 13:3

kiityin keele po `Kanaanik koroniito kobooch Sihor ne mi murot tai ne po Misiri, kot koit kiwotetap Ekron eng' murot kaataam. Ki po kiptainik muut che po Philistiik: Gasaik, Asdodik, Askelonik, Gitik, Ekronik ak Abik,

JOSHUA 13:5

ak emetap Gebalik, Lebanon tugul, ne tokyingei ole charunee asiista, kobooch Baal-gad eng' tulweetap Hermon keel kot koit ole kimandoe kebendi Lebo-hamath.

JOSHUA 15:1

Kebeberta ne ki ibutyi pororyetap lagogap Judah, ko uu ortinwekwak, ko kiwootetap Edom agoi surkwen ne po Sin ne tokyingei tabanda ne po murot tai.

JOSHUA 15:4

Ki siirto kwo Asmon ak kwo komandae aineetap Misiri ak kwo kiwotonooto agoi nyanjetap Mediterenian. Egu nooto kiwoteng'wong' ne po murot tai.

JOSHUA 19:35

Nganasook che kiga king'ot ko Sidim, Ser, Amat, Rakat, Kineret,

KIRUOGIK 3:3

icheek ko ki kiptainik muut che po Philistiik, Kanaanik tugul, Sidonik ak Hibik che ki menyei tulweetap Lebanon, kobooch tulweetap Baal-hermon agoi Lebo-Hamath.