1 LAITORINIK 8:61 - BUKUIT NE TILIIL Sireet ne Dutero Kanon

⁶¹ Ingoek anyun mugulelwekwok che ititaatiin eng' Kamuktaindet ne Toroor, Kamuktaindennyo, obendate ng'atuutikyik, ak oriip etanutikyik, ko uu rani.”

Bukuit Ne Tilil

⁶¹ Ingoek anyun mugulelwekwok che ititaatiin eng' Kamuktaindet ne Toroor, Kamuktaindennyo, obendate ng'atuutikyik, ak oriip etanutikyik, ko uu rani.”

BUKUIT NE TILIL

⁶¹ Ingoek anyun mugulelwekwok che igesunotgei eng’ Jehovah Kamuktaindennyo, obendate ng’atutikyik, ak orib etanutikyik, ko u rani.

1 LAITORINIK 8:61 ပူးပေါင်းရင်းမြစ်များ

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

1 LAITORINIK 11:4

Amu kingo osit Solomon, komaas osotikyik muguleldanyi koosup kanamonikwak, ak ki ma kogesunotkei eng' Kamuktaindet ne Toroor Kamuktaindennyi, ko uu kiit ne ki uu muguleldap Daudi kwandanyi.

1 LAITORINIK 15:14

Nganda ma ki isto komoswek che torooreen, ko ki ititaat muguleldap Asa eng' Kamuktaindet ne Toroor eng' peetuusyekyik tugul.

1 LAITORINIK 15:3

Kiwendote tengekwogik tugul che po kwandanyi che kiga sip koyai eng' ineendet. Ki ma kogesunotkei muguleldanyi eng' Kamuktaindet ne Toroor Kamuktaindennyi, ko uu muguleldap Daudi kwandanyi.

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:9

Ki poiboitu anyun piik, amu ki igoito eng' chamyet, amu ki igoochi Kamuktaindet ne Toroor eng' muguleldo ne igesunotkei. Ki paibait agine Laitoryat Daudi eng' poiboiyet ne oo.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 1:8

Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”

TIENWOGIKAL 37:37

Riip chiito ne ititaat, ak igeer chiito ne po iman; amu kagesunetap chiichooto ko kaalyeet.

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

NG'ATUTIK 18:13

Egu ne ititaat eng' Kamuktaindet ne Toroor Kamuktaindeng'ung'.