1 LAITORINIK 8:56 - BUKUIT NE TILIIL Sireet ne Dutero Kanon

⁵⁶ “Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

Bukuit Ne Tilil

⁵⁶ “Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

BUKUIT NE TILIL

⁵⁶ Iberurot Jehovah, ne kigogochi kamuung’et bikyik Israel, ko u tuguk tugul che kiga koaror: ma bet ng’olyot agot agenge eng’ arorutiennyi tugul ne mie, ne kiiaror eng’ otwogindennyi Musa.

1 LAITORINIK 8:56 ပူးပေါင်းရင်းမြစ်များ

2 LAITORINIK 10:10

Onai anyun nguno ole ma petei kiy eng' ng'olyootap Kamuktaindet ne Toroor, ne ki mwa Kamuktaindet ne Toroor agobo kootap Ahab. Kagoyai Kamuktaindet ne Toroor kiit ne ki mwa eng' otwogindennyi Elijah.”

1 ATEPTAP PEETUUSYEK 16:36

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny! Ki mwa piik tugul kole, “Amen, ilasunoot Kamuktaindet ne Toroor!”

1 ATEPTAP PEETUUSYEK 22:9

Keero, tuun kisigun weeriit, ne egu chiitap kamuung'et, ak agoochini ineendet kamuung'et eng' puunikyik tugul che mi komoswek tugul. Tuun kiguure kainennyi Solomon, ak agoochi Israel kaalyeet ak kamuung'et eng' peetuusyekyik.

2 ATEPTAP PEETUUSYEK 14:6

Ki teech nganasook che ng'ootaatiin eng' Judah. Ki mi kaalyeet emet ak ki ma kotinyei lugeet eng' kenyisyechooto, amu kiga kogoochi `Kamuktaindet ne Toroor ineendet kamuung'et.

KOMONG'U 18:10

Ki le Jethro, “Iberuurot Kamuktaindet ne Toroor ne kisarwok eng' eunegap Misiriik ak eng' eutap Pharaoh, ne ki sar piik komang'une pounatetap Misiriik.

LUKA 21:33

Siirtoi kipsengwet ak ng'wony: ago ma koi siirto ng'aleekyuk.

NG'ATUTIK 12:10

Ago ye kaolande eng' Jordan obe omeny emet ne koonok Kamuktaindet ne Toroor Kamuktaindeng'wong' onyaban ak kogoonok kamuung'et eng' puunikwok tugul che mi komoswek tugul, si omeng'iisyei eng' kaalyeet.

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 3:20

Otoret tupchosyekwok agoi kogoochi `Kamuktaindet ne Toroor kamuung'et ko uu okweek ak konyaban icheek emet ne igoochin Kamuktaindet ne Toroor Kamuktaindeng'wong' eng' Jordan pitoniin. Ye kagoyaak ko uu nooto, oweege anyun chii tugul ole miitei tuguukyik che ki agoonok.”

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.