1 LAITORINIK 8:23 - BUKUIT NE TILIIL Sireet ne Dutero Kanon

²³ ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

Bukuit Ne Tilil

²³ ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

BUKUIT NE TILIL

²³ ak kile, Ee Jehovah, Kamuktaindetab Israel, mami Kamuktaindet age ne u inye, eng’ barak kipsengwet, anan eng’ ng’ony orit; ne ribei kayomiset ak rirenet eng’ otwogiguk, che bendote taing’ung’ eng’ mugulelwekwak tugul:

1 LAITORINIK 8:23 ပူးပေါင်းရင်းမြစ်များ

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 33:20

Ki teech kaptisisyet eng' olooto, ak koguure kaptisisyonooto El-eloe-Israel.

2 SAMUEL 7:22

Ii oo amu nooto, ee Kamuktaindet ne po Toroornatet, amu ma mi ne ogerge, ama mi Kamuktaindet age kobatenen, ko uu eng' tugul che kigegas eng' itiikyok.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

1 LAITORINIK 3:6

Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.

1 LAITORINIK 6:12

“Eng' kooi iteeche, ko ngot iwendotee kaneetisyosyekyuk, ak iyai kirwoogutikyuk, ak iriip ng'atuutikyuk tugul iwendote, agimiit anyun ng'olyoondennyu eng' inyee, ne ki amwachi Daudi kwandang'ung'.

1 LAITORINIK 8:24

Ki isuldochi otwogindeng'ung' abba Daudi kiit ne kigeyomisyi ineendet; ee, ki imwa eng' kuting'ung', ak kaiyai eng' eung'ung' kosulda, ko uu kiit ne uu rani.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

EZRAH 1:3

Ingotogosta Jerusalem ne mi Judah age tugul eng' okweek che oo piikyik, ak ingotep Kamuktaindennyi kobooto ineendet. Ingwo koteekyi koot Kamuktaindet ne Toroor, Kamuktaindetap Israel (ineendet ko Kamuktaindet) ne mi Jerusalem.

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 113:5

Ng'oo ne kergei ak Kamuktaindet ne Toroor, Kamuktaindennyo? Tebee inee ole toroor,

TIENWOGIKAL 35:10

Leen kawekyuk tugul, “Ee Kamuktaindet ne Toroor, ng'oo ne ogerge, ne saru ne nyalili eng' ineendet ne kiim kosiir, ne saru ne nyalili ak ne ma tinyei kiy eng' ineendet ne rebei tuguukyik?”

TIENWOGIKAL 86:8

Ma mi ne uu inyee eng' kamuktaik, ee Kiptaiyat; Ama mi poisyonik alak che uu cheguuk.

KOMONG'U 15:11

Ee Kamuktaindet ne Toroor, tos ngoro ne uu inyee eng' kamuktaik? Tos ng'oo ne uu inyee, ne konyitot eng' tiliilindo, ne kiywei eng' kalasunet, ne yaei kwang'utik?

KOMONG'U 3:15

Ak ki leenji `Kamuktaindet Musa kogeny, “Imwachini piigap Israel ng'olyoondoni ileenjini, Kagoyokwo Anyoonjok Kamuktaindet ne po Toroornatet ne po kwanisyekwok, Kamuktaindetap Abraham, Kamuktaindetap Isak, Kamuktaindetap Jakobo; kainennyu niito agoi koigeny, ak kabwaatennyu niito agoi ibinwek tugul.

ISAIAH 40:18

Orogendoi ng'oo anyun Kamuktaindet? Anan nee kergeindo ne orogendoi ineendet?

ISAIAH 40:25

Orogendoa ng'oo anyun, kot kegergeitu ak ineendet? Mwaei Ineendet ne Tiliil.

JEREMIA 10:16

Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”

JEREMIA 10:6

Ma mi ne ogerge, ee Kamuktaindet ne Toroor; ii oo, ak ko oo kaineng'ung' eng' kamuktaet.

LUKA 1:72

Si koriiree kwanisyekyok, ak kobwaat kayomisennyi ne tiliil;

NG'ATUTIK 7:12

Ye ogas kirwoogutichu, oriip ak oyai, si koriip anyun Kamuktaindet ne Toroor Kamuktaindeng'ung' kayomiset ak rireenet eng' inyee ne ki iyasyechi kwanisyeguk.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

1 SAMUEL 2:2

Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.