1 LAITORINIK 7:38 - BUKUIT NE TILIIL Sireet ne Dutero Kanon

³⁸ Ki yai taabook taman che po sugononik, agenge eng' chepkichutit age tugul. Ki tebeesindap taabeet age tugul ko mitait agenge ak robo somok, kiyamei taabeet agenge peegap litaisyek pogol sisiit ak tamanwogik sisiit ak ki tebee taabeet age tugul ng'echereet.

Bukuit Ne Tilil

³⁸ Ki yai taabook taman che po sugononik, agenge eng' chepkichutit age tugul. Ki tebeesindap taabeet age tugul ko mitait agenge ak robo somok, kiyamei taabeet agenge peegap litaisyek pogol sisiit ak tamanwogik sisiit ak ki tebee taabeet age tugul ng'echereet.

BUKUIT NE TILIL

³⁸ Ak kiyai tabok taman che eechen che bo sugononik: kiyamei tabet agenge beekab debeisiek tamanwogik sisiit: ak ki kakwautik ang’wan tabet age tugul: ak kimi tabet agenge baragutab ng’echeret age tugul eng’ choto taman: kitebe tabet age tugul ng’echeret.

1 LAITORINIK 7:38 ပူးပေါင်းရင်းမြစ်များ

1 LAITORINIK 7:27

Ki yai ng'echerok taman che po sugunonik che tebee; ki mitait agenge ak robo somok kooindap ng'echereet agenge, ak ki mitait agenge ak robo somok tebeesindanyi, ak ki mitait agenge ak robo somok kooindap tononennyi.

1 LAITORINIK 7:39

Ki itepto ng'echerok, kotebee muutu komostap tai ne po koot, kotebee muutu komostap kaataam ne po koot. Ki inde nyanjanooto komostap tai ne po koot kogeer kong'asiis, ne po murot tai.

KOMONG'U 30:28

ak kaptisisyet ne kibeelee tiseiywot ak tuguukyik tugul ak taabeet ak kelunnyi.

KOMONG'U 38:8

Ki itaany taabeet ne po sugunwet, ak kiyae sugunwet ng'echerennyi ne tebee, kobun kioisyek che ki keeregei kwonyiik che kiboisyei eng' kurgeetap emait ne kituiyechin.

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 9:10

amu (kobooto amitwogik ak che kieei ak kaunsosyek che teerchiin) chooto ko ng'atuutik che po poorto kityo, che ki king'at agoi peetuusyek che po kalititet.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.