1 LAITORINIK 7:26 - BUKUIT NE TILIIL Sireet ne Dutero Kanon

²⁶ Tebeesindanyi ak nyigiisindanyi ko ki sendi mitainik tisap ak nusu; ak ki kiyai mireiywondennyi kogergeit ak mireiywotap kigombet, ko uu taapteet ne kaiye. Kiyamegei ak peegap litaisyek eliphuusyek artam.

Bukuit Ne Tilil

²⁶ Tebeesindanyi ak nyigiisindanyi ko ki sendi mitainik tisap ak nusu; ak ki kiyai mireiywondennyi kogergeit ak mireiywotap kigombet, ko uu taapteet ne kaiye. Kiyamegei ak peegap litaisyek eliphuusyek artam.

BUKUIT NE TILIL

²⁶ Ak ki aechin tebeesindanyi ak nyigisindab eut; ak kigiyai mireiywondennyi kogergeit ak mireiywotab kikombet, ko u taptet ne kaiye: kiyamegei ak beekab debeisiek elfusiek ang’wan.

1 LAITORINIK 7:26 ပူးပေါင်းရင်းမြစ်များ

1 LAITORINIK 6:18

Ki kilige koot oriit taragonik che ki kiwai kosich mulonok ak taaptook che yesyotiin. Ki po tugul taragonik, ki ma komi koita ne kitaagu.

1 LAITORINIK 6:32

Ki yai anyun kereiywek aeng' che po mseituni; ak ki wai itoonwegap kerubisyek ak che po tiironigap sosik ak che po taaptook che yesyotiin eng' kurgotichooto, ak koliige thahabu, ak kotuge thahabu kerubisyechooto ak tiironigap sosik.

1 LAITORINIK 6:35

Ki wai eng' chooto itoonwegap kerubisyek ak che po tiironigap sosik ak che po taaptook che yesyotiin, ak ki iliige thahabu che ki kibirchi konamgei ak wautichooto.

1 LAITORINIK 7:19

Ak ki po mitait agenge ak robo somok metowek che ki miitei paragutap tolochik eng' keter, che ki kilelesanjine itoonwegap taaptook.

1 LAITORINIK 7:25

Kiga tonone nyanjanooto itoonwegap eiik taman ak aeng', kigeerei somogu murot kaataam, kogeerei somogu cherongo, kogeerei somogu murot tai, kogeerei somogu kong'asiis. Kitonone paragunnywa nyanjanooto ak ki keer sugulumwekwak oriit.

1 LAITORINIK 7:27

Ki yai ng'echerok taman che po sugunonik che tebee; ki mitait agenge ak robo somok kooindap ng'echereet agenge, ak ki mitait agenge ak robo somok tebeesindanyi, ak ki mitait agenge ak robo somok kooindap tononennyi.

1 LAITORINIK 7:38

Ki yai taabook taman che po sugononik, agenge eng' chepkichutit age tugul. Ki tebeesindap taabeet age tugul ko mitait agenge ak robo somok, kiyamei taabeet agenge peegap litaisyek pogol sisiit ak tamanwogik sisiit ak ki tebee taabeet age tugul ng'echereet.

2 ATEPTAP PEETUUSYEK 4:5

Ak ki aechin tebeesindanyi ak nyigiisindap euut; ak ki kiyai mireiywondennyi kogergeit ak mireiywotap kigombet, ko uu taapteet ne kaiye: ak kiyamegei ak debeisyek eliphuusyek lo.

KOMONG'U 25:25

Chop tegeleiywot ne sendimita tamanwogik lo ak lo tebeesindanyi koyiem kioto ak iyai tegeleiywotap thahabu koyiem tabanwekyik tugul kotegel.

JEREMIA 52:21

Ago eng' tolochik, kooindap tononetap agenge ko ki mitainik taman ak sisiit che po euut; ak ki mitainik taman ak aeng' che po euut nyigiisindap toloita nooto ngeyiem; ak ki morik ang'wan nyigiisindanyi ngikwa: ki kiyai kioto koek soiyet.

EZEKIEL 45:11

Aechin epah ak debeisyek aeng', ak debeisyek aeng' che kanyi tuguuk ko kergei ak kebeberta agenge eng' taman che po homer, ak epah agenge ko kergei ak kebeberta agenge eng' taman ne po homer; egu homer kiit ne kigerisye kotugul.

EZEKIEL 45:14

Ak kebebertap mwaita ne ki king'at ne po debeisyek aeng' che po mwaita, koegu kebeberta agenge eng' taman ne po debeisyek aeng' che po Kor, chooto ko debeisyek tiptem, nooto ko homer agenge, amu debeisyek tiptem ko yamei homer: