1 LAITORINIK 6:29 - BUKUIT NE TILIIL Sireet ne Dutero Kanon

²⁹ Ki wai inatusyek tugul che po koot komoswek tugul, eng' kerubisyek che ki kiwaat ak tiironigap sosik ak taaptook che yesyotiin eng' ko oriit ak saang'.

Bukuit Ne Tilil

²⁹ Ki wai inatusyek tugul che po koot komoswek tugul, eng' kerubisyek che ki kiwaat ak tiironigap sosik ak taaptook che yesyotiin eng' ko oriit ak saang'.

BUKUIT NE TILIL

²⁹ Ak kiwai inatusiek tugul che bo got komoswek tugul, eng’ kerubisiek che kigiwaat ak tironik ak taptok che yiesiotin eng’ go orit ak sang’.

1 LAITORINIK 6:29 ပူးပေါင်းရင်းမြစ်များ

1 LAITORINIK 6:18

Ki kilige koot oriit taragonik che ki kiwai kosich mulonok ak taaptook che yesyotiin. Ki po tugul taragonik, ki ma komi koita ne kitaagu.

1 LAITORINIK 6:28

Ak ki iliige kerubisyechooto thahabu.

1 LAITORINIK 6:30

Ki iliige thahabu ng'wonyutap koot oriit ak saang'.

1 LAITORINIK 6:32

Ki yai anyun kereiywek aeng' che po mseituni; ak ki wai itoonwegap kerubisyek ak che po tiironigap sosik ak che po taaptook che yesyotiin eng' kurgotichooto, ak koliige thahabu, ak kotuge thahabu kerubisyechooto ak tiironigap sosik.

2 ATEPTAP PEETUUSYEK 3:14

Kinap angeet ne kioiye koot, che buluu ak che arusen ne piriir, ak che piriireen ak katanit ne karaaran, ak kinapchi chooto kerubisyek.

2 ATEPTAP PEETUUSYEK 3:7

Ki iliige kogeny thahabu koot, kimurtoinik, tugatugik, inatusyek, kereiywegap kurgotikyik, ak kiwachi inatusyek itoonwegap karubisyek.

TIENWOGIKAL 103:20

Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.

TIENWOGIKAL 148:2

Olasu ineendet, okweek malaikaisyekyik tugul; olasu ineendet, okweek lugosyekyik tugul.

TIENWOGIKAL 74:6

Ago putei icheek nguno aonok ak kirisonok poisyennyi tugul ne kagiwai.

KOMONG'U 26:1

Ne siirei nooto anyun, ko teech emaitap Kamuktaindet iteeche angook taman che ki kinabee katanit ne karaaran ne ki kileet eng' che buluu. Ngo lelesan anyun angoonochooto nabiindet ne ng'oom kochooronji kerubisyek.

KOMONG'U 36:8

Ki yai chii age tugul ne ng'oom eng' icheek che poisyei, koot, koyae angook taman che po katanit ne karaaran, ne ki kila, ak che buluu, kobooto che arusen ne piriir ak che piriireen, konapchi angook kerubisyek, ne poisyetap nabiindet ne nabei kondai lelesta.

EZEKIEL 40:16

Ak ki tinyei koorichooto po oriit tirisyok che regerotiin, kobooto tugatugikwak che ki mi ormariichanooto komosta age tugul, ak ki uu nooto eng' keterut: ak ki mi tirisyok komoswek tugul ole po oriit: ak ki mi itoonwegap tiironigap sosik eng' tugatukyet age tugul.

EZEKIEL 41:18

Ki kiwai itoonwegap kerubik ak che po tiironigap sosik; ak kiga rubatkei tiironigap sosik ak kerubisyek; ak ki tinyei itoondo age tugul ne po kerubit togoochik aeng';

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

NG'ANG'UTYET 7:9

Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.