1 LAITORINIK 6:13 - BUKUIT NE TILIIL Sireet ne Dutero Kanon

¹³ Ak amenye kwenutap piigap Israel, amametoi piikyuk Israel.”

Bukuit Ne Tilil

¹³ Ak amenye kwenutap piigap Israel, amametoi piikyuk Israel.”

BUKUIT NE TILIL

¹³ Ak amenye kwenutab lagokab Israel, ak mametoi bikyuk Israel.

1 LAITORINIK 6:13 ပူးပေါင်းရင်းမြစ်များ

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

1 ATEPTAP PEETUUSYEK 28:20

Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 68:18

Ki itogoste parak, ki imut luulenik che ki iluul; Ki itaach piik koek kagoochinoik, Ee, agot ngelelik ak icheek, si kobiit komeng'iis Kamuktaindet ne Toroor.

KOMONG'U 25:8

Ko uu nooto kora, ko ingoteekwo ole-tiliil si ameny kwenunnywa.

KOMONG'U 29:45

Amenye kwenutap piigap Israel ak aegu Kamuktaindennywa.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ATEPTAP LAWIK 26:11

Ak ande koonnyu kwenung'wong', ama wechok saboondanyu.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 31:8

Ineendet Kamuktaindet ne Toroor ne indoenen ak mi kobooten, amemetoin, ama pagaaktoin ameiywei anan iaragen.”

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.