1 LAITORINIK 4:21 - BUKUIT NE TILIIL Sireet ne Dutero Kanon

²¹ Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

Bukuit Ne Tilil

²¹ Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

BUKUIT NE TILIL

²¹ Ak kilaitorane Solomon bororiosiek tugul koboch Ainet agoi emetab Pilistik, ak agoi kiwotetab Misri: kiibu kagochinoik, ak kootei Solomon eng’ betusiek tugul che bo sobennyi.

1 LAITORINIK 4:21 ပူးပေါင်းရင်းမြစ်များ

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

2 SAMUEL 8:2

Ki iterteer ak kobar Moab. Ki ng'at icheek koruiyo eng' ng'wony yeityo kokwa icheek eng' porowet ak kokwa icheeget eng' porowet. Ki kibar kobek piik eng' uitugul ye ite kakwaindap poroonik aeng', ago ki chamji kosapcho che mi uitugul ole ite porowet ne po somok. Ara anyun ki ek Moabik otwogigap Daudi ak ki ip kagoochinoik.

2 SAMUEL 8:6

Ki inde anyun Daudi irimosyek Syria ne po Damasko. Ki ek piigap Syria otwogigap Daudi ak ki ip kagoochinoik. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

1 LAITORINIK 12:4

“Ki yai kwandang'ung' choginnyo kouuit. Ara anyun, yai kowisisiit otisyet ne uui ne ki po kwandang'ung', ak choginnyi ne nyigiis ne ki indeech, si keotin.”

1 LAITORINIK 3:13

Kaagoonin agine kiit ne ma isoom, mogornatosyek ak teegisto, ne ma piitu eng' laitorinik ne ogergeitu, eng' peetuusyeguk tugul.

1 LAITORINIK 4:22

Ak amitwogigap Solomon che po peetuut agenge ko ki keruutik pogol lo che po peek che ng'ootiin che tambulul che po nganuuk, ak keruutik eliphuut agenge pogol ang'wan che po peek che ng'ootiin;

1 LAITORINIK 4:24

Amu ki pou kooret tugul ne po aineet Yufrets, Tiphsah agoi Gaza, kiboi laitorinik tugul che mi aineet komosi. Ki chamdos ak piik che ki mi komoswekyik tugul.

2 LAITORINIK 17:3

Ki togos Shalmaneser laitoryatap Assyria kobargei ak ineendet, ak ki ek Hoshea otwogindennyi ak ki ipchi ineendet kagoochinoik.

2 ATEPTAP PEETUUSYEK 17:5

Ki igimit anyun Kamuktaindet ne Toroor laitornatet eng' eunnyi. Ki ipchi piik tugul che po `Judah Jehoshaphat kagoochinoik, ak ki tinyei mogornateet eng' chaang'indo ak teegisto.

2 ATEPTAP PEETUUSYEK 32:23

Ki ipchi piik che chaang' Kamuktaindet ne Toroor kagoochinoik kobwa Jerusalem, ak ki ipchi Hezekiah laitoryatap Judah tuguuk che po kamanuutyet, kot kotoroorok ineendet eng' pororyosyek tugul kobooch peetuunooto agoi.

EZRAH 4:20

Ki miitei kogeny laitorinik che ki kiimeen che ki pou Jerusalem che ki pou emet tugul ne mi aineet pitoniin ak ki kigoochin konunoik, kodi, ak aisuruutap tuguuk.

TIENWOGIKAL 68:29

Ibun laitorinik kagoochinoik Amu hekalung'ung' eng' Jerusalem.

TIENWOGIKAL 76:11

Oarorchi Kamuktaindet ne Toroor Kamuktaindeng'wong', ak oyaakyi: Ingoipchi kagoochinoik, icheeget che mi ole neegitee ineendet, ineendet ne nyoljin kiywei.

KOMONG'U 23:31

Andoi kiwoteng'ung' koboochit Araraita ne Piriir agoi nyanjetap Mediterenian ak koboochit surkwen agoi aineet. Amu andoi piigap emonooto eunekwok, si ioon icheek koba eng' taing'ung'.

AMDOINDET 2:25

Amu ng'oo ne imuuchi koamis, ng'oo ne imuuchi konyoor poiboiyet, kosiiro?

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

EZEKIEL 16:13

Ki kilelesonun anyun eng' thahabu ak fedha; ak ki po katanit ne karaaran ngoroiguk, ak aririt, ak ngoroik che ki kinde lelesta; ki iam peek che ng'ootiin che tambulul, ak kumyat, ak mwanik: ak ki igararanitu kot, ak ki kiberuurin kot inyooru atebeetap laitornatet.

NG'ATUTIK 11:24

Punjinok oldo tugul ole katyech keelyekwok. Egu kiwoteng'wong' kobooch surkwen ak Lebanon ak kobooch aineetap Yufrets agoi nyanjetap Mediterenian nooto tokyingei ole roroktoe asiista.

JOSHUA 1:4

Kobooch surkwen ak Lebanon agoi aineet ne oo, nooto ko aineet ne po Yufrets, emet komugul ne po Hitik agoi nyanjetap Mediterenian ne tokyingei cherongo ko egu koreng'wong'.

1 SAMUEL 10:27

Ago ki mwa abusanik alage kole, “Sarundoech ano chiichi?” Ki sas ineendet ama ipchi kagoochinoik. Ki siis Saulo ko uu yo ma mage kiy.