1 LAITORINIK 22:23 - BUKUIT NE TILIIL Sireet ne Dutero Kanon

²³ Ara anyun, keero, kainde Kamuktaindet ne Toroor tamirmir ne kenisyei kutusweegap maotichuguk tugul. Kagomwa anyun Kamuktaindet ne Toroor yaityet agobo inyee.”

Bukuit Ne Tilil

²³ Ara anyun, keero, kainde Kamuktaindet ne Toroor tamirmir ne kenisyei kutusweegap maotichuguk tugul. Kagomwa anyun Kamuktaindet ne Toroor yaityet agobo inyee.”

BUKUIT NE TILIL

²³ Ara anyun, keero, kainde Jehovah tamirmiriet ne kenisiei kutuswekab maotichuguk tugul; ak kagomwa Jehovah yaitiet agobo inye.

1 LAITORINIK 22:23 ပူးပေါင်းရင်းမြစ်များ

1 LAITORINIK 20:42

Ki leenji ineendet, “Kamwa Kamuktaindet ne Toroor ko uu ni, kole: ‘Amu koichunde eng' eung'ung' chiito ne koga atabaanji ng'emisyet, kogeeri anyun saboondang'ung' saboondanyi, ak kogeer piiguk piikyik.’ ”

1 LAITORINIK 21:19

Ing'alaalji ineendet ileenji, ‘Kamwa Kamuktaindet ne Toroor ko uu ni, kole: Kaibar ak kenam kobunjiin?’ Ak imwachi ileenji, ‘Kamwa Kamuktaindet ne Toroor ko uu ni, kole: Ole kimele sesenik korotiigap Nabot, komele yooto sesenik korotiguk ak icheek.’ ”

1 LAITORINIK 22:24

Koriik anyun Zedekiah weeriitap Kenaana, ak korabach Mikaia matanda, ak koleenji, “Kabun ano Kabuusetap Kamuktaindet ne Toroor ak konyo kong'alaalun?”

2 ATEPTAP PEETUUSYEK 25:16

Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.

KOMONG'U 10:20

Ago ki iuit `Kamuktaindet ne Toroor muguleldo ne po Pharaoh, kouiit si ma meto piigap Israel koba.

KOMONG'U 4:21

Ki leenji `Kamuktaindet ne Toroor Musa; “Ye igetitegei Misiri, iriip ak iyai eng' taitap Pharaoh kwang'utik tugul cho koagoonin kimnateet iyai. Ago auuiiti muguleldanyi, si ma igoochi piik koba.

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 44:20

Amei oreek: kagomaas ineendet muguleldo ne iberberat, kot koma imuuchi kosar saboondanyi, anan komwa kole, tos ma mi lembeita eunnyu ne po tai?

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

EZEKIEL 14:9

Ak ngot kiberber maotyot ak komwa ng'olyoo, ko anee Kamuktaindet ne Toroor ne kaberberi maotyondonooto, ak atokyi eunnyu, ak ang'em ineendet aiste eng' piikyuk Israel.

KAITOSYEK 24:13

‘Agot ngo koono Balak fedha ak thahabu che nyiei koonnyi, koma muuchi asiir ye pooch ng'olyootap Kamuktaindet ne Toroor, ayai ne myee anan ayai ne ya eng' magennyu; ne mwaei Kamuktaindet ne Toroor ko nooto ne amwae?’

NG'ATUTIK 2:30

“Ago ki ma chamwech Sihon laitoryatap Hesbon kebun oldanyi, amu ki iuit muguleldonyi `Kamuktaindet ne Toroor Kamuktaindeng'ung', kot koma chamdagei si kondeun ineendet eung'ung' ko uu rani.

KIRUOGIK 9:23

Ki iyookyi anyun Kamuktaindet ne Toroor tamirmiryet ne ya kwenutap Abimelek ak piigap Shekem, ak ki iberber piigap Shekem Abimelek.