1 LAITORINIK 22:22 - BUKUIT NE TILIIL Sireet ne Dutero Kanon

²² Ki mwachi `Kamuktaindet ne Toroor ineendet koleenji, ‘Iberbertoi ano?’ Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

Bukuit Ne Tilil

²² Ki mwachi `Kamuktaindet ne Toroor ineendet koleenji, ‘Iberbertoi ano?’ Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

BUKUIT NE TILIL

²² Ak kimwachi Jehovah inendet kolenji, Iberbertoi ano? Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

1 LAITORINIK 22:22 ပူးပေါင်းရင်းမြစ်များ

1 LAITORINIK 13:18

Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

1 LAITORINIK 22:20

Ak ki le Kamuktaindet ne Toroor, ‘Ng'oo ne iberberi Ahab, si kwo kotogosta ak kome eng' Ramot-gilead?’ Ki mwa age ko uu ni, komwa age ko uu ni.

1 LAITORINIK 22:21

Yeityo komong' tamirmiryo age ak kotonon eng' taitap Kamuktaindet ne Toroor, ak kole, ‘Anee ne aberberi.’

2 LAITORINIK 3:13

Ki leenji `Elisha laitoryatap Israel, “Kiting'egei nee ak inyee? Ui ole mi maotigap kwandang'ung' ak maotigap kamenng'ung'.” Ak ki leenji laitoryatap Israel ineendet, “Achicha! Amu kogoguur Kamuktaindet ne Toroor laitorinichu somok kibagenge, konde eunegap Moab.”

Kitabuutap JOB 1:12

Koleenji `Kamuktaindet ne Toroor Setani, “Keer anyuno, mi tuguuk tugul che tinyei `Job eung'ung', kobatee kityo ametwaa ineendet.” Ki wo anyun Setani eng' taitap Kamuktaindet ne Toroor.

Kitabuutap JOB 12:16

Mi kobooto ineendet kimnateet ak utaatyet; nenyi ne kiberberi ak kaberberindet.

TIENWOGIKAL 109:17

Ki cham ineendet chubisyet, ak ki nyoonji; ak ki ma paibaitune kaberuret, ak kilooit eng' ineendet.

ISAIAH 19:14

Kigoburukyi `Kamuktaindet ne Toroor icheek muguleldap kamaaset eng' kwenunnyi; ak kogogoochi `icheek Misiri komasta eng' poisyennyi age tugul, ko uu ye terteryoti kibogityot kong'ung'u.

EZEKIEL 14:9

Ak ngot kiberber maotyot ak komwa ng'olyoo, ko anee Kamuktaindet ne Toroor ne kaberberi maotyondonooto, ak atokyi eunnyu, ak ang'em ineendet aiste eng' piikyuk Israel.

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

1 JOHANA 4:6

Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 17:17

Amu ki inde Kamuktaindet mugulelwekwak koyai ko uu ye ibwaati, ak kosich tugul kabwaatet agenge, ak kogoochi tyondo laitornatennywa, agoi kosulda ng'aleegap Kamuktaindet.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

NG'ANG'UTYET 20:3

ak kowiirchi ineendet keriinget ne ma igoksei, ak koger, ak kong'ooch paragunnyi, si mata koberber pororyosyek kogeny, agoi kogeskei kenyiisyek eliphuut agenge. Ye ibata nooto kityaach ne matya.

NG'ANG'UTYET 20:7

Ye igeskei kenyiisyek eliphuut agenge, kityaach Setani komong' eng' korgorennyi,

KIRUOGIK 9:23

Ki iyookyi anyun Kamuktaindet ne Toroor tamirmiryet ne ya kwenutap Abimelek ak piigap Shekem, ak ki iberber piigap Shekem Abimelek.

1 SAMUEL 16:14

Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.

1 SAMUEL 18:10

Eng' peetuut ne ki isubi peetuunooto, konyonji Saulo `tamirmiryet ne ya eng' kimnateet ne ki punu Kamuktaindet. Ki ng'alaal eng' ko ko uu chii ne amei iywek, ak kibut Daudi ketubet eng' eunnyi ko uu ye ki cham koyaei peetuut age tugul. Ki tinyei Saulo ng'otit eng' eunnyi.

1 SAMUEL 19:9

Ago ki nyoonji Saulo `tamirmiryet ne ya ne ki punu Kamuktaindet ne Toroor ye kitebyei eng' koonnyi kotinyei ng'otit eng' eunnyi. Kibutei Daudi kibugandet eng' eunnyi.