1 LAITORINIK 22:19 - BUKUIT NE TILIIL Sireet ne Dutero Kanon

¹⁹ Ki testai Mikaia kole, “Kas anyun ng'olyootap Kamuktaindet ne Toroor: ki ageer Kamuktaindet ne Toroor kotebyei eng' ng'echerennyi ne po laitornatet, ak kitononi lugeet tugul ne po kipsengwet eng' eunnyi ne po tai ak ne po kaataam.

Bukuit Ne Tilil

¹⁹ Ki testai Mikaia kole, “Kas anyun ng'olyootap Kamuktaindet ne Toroor: ki ageer Kamuktaindet ne Toroor kotebyei eng' ng'echerennyi ne po laitornatet, ak kitononi lugeet tugul ne po kipsengwet eng' eunnyi ne po tai ak ne po kaataam.

BUKUIT NE TILIL

¹⁹ Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

1 LAITORINIK 22:19 ပူးပေါင်းရင်းမြစ်များ

1 LAITORINIK 22:20

Ak ki le Kamuktaindet ne Toroor, ‘Ng'oo ne iberberi Ahab, si kwo kotogosta ak kome eng' Ramot-gilead?’ Ki mwa age ko uu ni, komwa age ko uu ni.

Kitabuutap JOB 1:6

Ki mi anyun peetuut ye kibwanei weeriigap Kamuktaindet kotonondos eng' taitap Kamuktaindet ne Toroor ak ki nyo agine Setani kobooto icheek.

Kitabuutap JOB 2:1

Ki mi kogeny peetuut ye kibwanei weeriigap Kamuktaindet kotonondos eng' taitap Kamuktaindet ne Toroor ak ki nyo agine Setani kobooto icheek, ak kotonon eng' taitap Kamuktaindet ne Toroor.

TIENWOGIKAL 81:9

Amat kobiitunenen kanamwet ne too; Anan igutung'ji kamuktain age tugul ne po pororyosyek alak.

KOMONG'U 24:10

Ki keer anyun icheek Kamuktaindet ne po Israel. Ki mi keelyekyik keel koita ne keguure sapphire ne uu sengwetyet eng' tiliilindanyi.

KOMONG'U 24:9

Ki togosta anyun Musa ak Aron, Nadap, Abiu ak poisyek tamanwogik tisap che po Israel.

ISAIAH 1:10

Ogas ng'olyootap Kamuktaindet ne Toroor, okweek pounigap Sodom! Oepchi iit ng'atuutyetap Kamuktaindennyo, okweek piigap Gomorah!

ISAIAH 28:14

Ogas anyun ng'olyootap Kamuktaindet ne Toroor okweek piik saasiik, che obou pichu menyei Jerusalem.

JEREMIA 2:4

Ogas ng'olyootap Kamuktaindet ne Toroor, ee kootap Jakobo, ak ortinwek tugul che po kootap Israel.

JEREMIA 29:20

Ogas anyun ng'olyootap Kamuktaindet ne Toroor, okweek tugul che ki kiluul, che ki ayookte eng' Jerusalem koba Babilon.

JEREMIA 42:15

ogas anyun ng'olyootap Kamuktaindet ne Toroor, ee okweek che ki ong'etu che oo po Judah; mwaei Kamuktaindet ne Toroor ne po lugoosyek, Kamuktaindetap Israel, kole ngot ogiiljige otokyigei Misiri, ak obe otebee olooto;

EZEKIEL 13:2

Ee weeriitap chii, maotenji igirinde maotigap Israel che maoteni, ak ileenji icheek che maoteni eng' mugulelwekwak icheegei, Ogas ng'olyootap Kamuktaindet ne Toroor:

EZEKIEL 16:35

Kas anyun, ee chepkugoniondoni, ng'olyootap Kamuktaindet ne Toroor:

AMOS 7:16

Kas anyun nguno ng'olyootap Kamuktaindet ne Toroor. Imwae inyee ile, ‘Amat imaotenji Israel agobo kiy ne ya, anan imwa ng'olyoo agobo kootap Isak.’

SEKARIA 1:10

Ki wol anyun chiito ne ki tonone kwenutap momonichooto kole, “Chuuto ko icheek che ki iyookto Kamuktaindet ne Toroor kobunoot komoswek tugul che po ng'wony.”

KAITOSYEK 24:3

ak kigetyigei kalewenennyi, ak kole: “Kale Balaam weeriitap Beor, kale chiito ne kitugotin konyekyik,

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 1:7

Ak ki mwa agobo malaikaisyek kole, “Ineendet ne yaei malaikaisyekyik koek usoonaik, ak koek kiboitiinikyik liplibenetap maat.”

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

NG'ANG'UTYET 5:11

Ki ageer, ak agas kutitap malaikaisyek che chaang' che kaiitennywa ko ki eliphuusyek taman konyil eliphuusyek taman, ak eliphuusyek konyil eliphuusyek. Ki kayiem `icheek ng'echeranooto po laitornatet ak tyong'ichu kasaptos ak poisyechugai;

1 SAMUEL 16:14

Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.