1 LAITORINIK 20:28 - BUKUIT NE TILIIL Sireet ne Dutero Kanon

²⁸ Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

Bukuit Ne Tilil

²⁸ Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

BUKUIT NE TILIL

²⁸ Ak kinyo chitab Kamuktaindet korik ak kong’alalji laitoriatab Israel, kole, Kamwa Jehovah ko u ni, kole, Amu komwa Suriek kole, Jehovah ko cheptalelitab tulonok, ma cheptalelitab atebwosiek; andoi anyun eung’ung’ tuiyoni o tugul, si onai ole a Jehovah.

1 LAITORINIK 20:28 ပူးပေါင်းရင်းမြစ်များ

2 SAMUEL 10:13

Kingo riikta anyun Joab ak murenik che ki mi ak ineendet koba lugeet kobargei ak piigap Syria, komwee `icheek ineendet.

1 LAITORINIK 13:1

Eng' peetuut age ko kitononi Jeroboam eng' ye neegitee kapkorosuut kobeelei nyamdutik. Ki nyo chiitap Kamuktaindet ne Toroor eng' Judah eng' ng'olyootap Kamuktaindet ne Toroor konyo Bethel.

1 LAITORINIK 17:18

Ki leenji `ineendet Elijah, “Kiting'egei nee ak inyee, chiitap Kamuktaindet? Koinyo oli ami si kong'ang'ak tengektonyu, ak ibar weeriinnyu?”

1 LAITORINIK 18:36

Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

1 LAITORINIK 18:37

Kasa, ee Kamuktaindet ne Toroor, kasa, si kobiit konai pichu kole, inyee Kamuktaindet ne Toroor, ko ii Kamuktaindet, ak koiweech mugulelwekwak koweekyinge kogeny.”

1 LAITORINIK 20:13

Ne matyanit koginyo maotyot ole mi Ahab laitoryatap Israel, ak kole, “Kamwa ko uu ni Kamuktaindet ne Toroor kole: Tos kaigeer tuiyoni oo? Keero, andoi eung'ung' rani si inai ile aa Kamuktaindet ne Toroor.”

1 LAITORINIK 20:29

Ki teech kotokyin ak komeng'iis eng' peetuusyek tisap. Ak eng' peetuutap tisap kotuiyogei lugoosyek ak ki par `piigap Israel eng' peetuut agenge piigap Syria eliphuusyek pogol che ki punei keelyek.

2 ATEPTAP PEETUUSYEK 32:19

Ki ng'alaal agobo Kamuktaindetap Jerusalem koyanie kanamonigap piik che po ng'wony, che poisyonigap eunegap piik.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 79:10

Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

KOMONG'U 16:12

“Kaagas kang'unyng'unyetap piigap Israel. Mwachi ileenji, ‘Oame panyeek koskoleny ak oam obiye magatiinik karon si onai ole aa Kamuktaindet ne Toroor Kamuktaindeng'wong'.’ ”

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

KOMONG'U 8:22

Ago abestosi atabaani eng' peetuunooto emetap Goshen ole menyei piikyuk si ma it kalyang'ik olooto ak si kobiit inai inyee ile aa Kamuktaindet ne Toroor ne mi emet.

ISAIAH 36:20

Ng'oo eng' kamuktaik tugul che po emotinwechu che ki kosar emennywa eng' eunnyu, kot kosar `Kamuktaindet ne Toroor Jerusalem eng' eunnyu?

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

EZEKIEL 11:12

ak onai ole aa Kamuktaindet ne Toroor: amu ma obendate ng'atuutikyuk, ama oyai kirwoogutikyuk, ago ki osup kirwoogutigap pororyosyek che mi komoswekwok.

EZEKIEL 12:16

Ago atuuchi piik che ng'ering' eng' icheek kochililee rotwetap chok, ak rubeet, ak koroito; si kobiit kobarta tuguukwak tugul che kiwechei eng' pororyosyek ole tuun pendi; si konai kole aa Kamuktaindet ne Toroor.

EZEKIEL 20:14

Ago ki aboisye anyun kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

EZEKIEL 36:32

Ma yae niito amu okweek, mwaei Kiptaiyat Kamuktaindet ne Toroor, ingonaak ng'olyoondoni eng' okweek: olilanse, ak otoptobense amu ortinwekwok, ee kootap Israel.

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

EZEKIEL 6:14

Ak achuulji icheek eunnyu, ak ayai emet koguber ak koek karaatya, kobooch surkwen kotokyigei Dibla, eng' meng'otosyekwak tugul: si konai icheek kole aa Kamuktaindet ne Toroor.

NG'ATUTIK 29:6

Ma oam magatiinik ama oee divaik anan maiyek: si kobiit onai ole aa Kamuktaindet ne Toroor Kamuktaindeng'wong'.

NG'ATUTIK 32:27

Nda ki ma aiywei tagisyetap puunyoot, Si ma ibwaat puunikwak perberyo, ak komwa kole, ‘Kagotororit eunnyo, ak ma yai Kamuktaindet ne Toroor chooto tugul.’ ”