1 LAITORINIK 20:22 - BUKUIT NE TILIIL Sireet ne Dutero Kanon

²² Ki nyo maotyot ole mi laitoryatap Israel ak koleenji, “Ui igimitkei, ak ibwaat ak igeer kiit ne iyae, amu nyoonei laitoryatap Syria kotogosu obargei, ko kabek kenyini.”

Bukuit Ne Tilil

²² Ki nyo maotyot ole mi laitoryatap Israel ak koleenji, “Ui igimitkei, ak ibwaat ak igeer kiit ne iyae, amu nyoonei laitoryatap Syria kotogosu obargei, ko kabek kenyini.”

BUKUIT NE TILIL

²² Ak kinyo maotiot korik ole mi laitoriatab Israel, ak kolenji inendet, Ui igimitge, ak ibwat ak igeer kit ne iyae: amu nyonei laitoriatab Suria kotogosu obargei, ko kabek kenyini.

1 LAITORINIK 20:22 ပူးပေါင်းရင်းမြစ်များ

2 SAMUEL 11:1

Kingo it kasartap kenyiit ne cham kobee laitorinik lugeet, koyookto `Daudi Joab kobooto otwogikyik ak Israel tugul kobar lagogap Ammon. Kiyiem lugeetap Israel Rabbah. Ago ki tebi Daudi eng' Jerusalem.

1 LAITORINIK 19:10

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindetap lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee, aneege; ak nguno ko cheeng'ei icheek saboondanyu kobar.”

1 LAITORINIK 20:13

Ne matyanit koginyo maotyot ole mi Ahab laitoryatap Israel, ak kole, “Kamwa ko uu ni Kamuktaindet ne Toroor kole: Tos kaigeer tuiyoni oo? Keero, andoi eung'ung' rani si inai ile aa Kamuktaindet ne Toroor.”

1 LAITORINIK 20:21

Ki manda laitoryatap Israel, ak kobar paraisisyek ak kariisyek, ak kobar piigap Syria eng' pareet ne oo.

1 LAITORINIK 20:26

Kingo keskei kenyiit, koyum `Ben-Hadad piigap Syria, ak kotogosta kwo Apek, kobargei ak Israel.

1 LAITORINIK 20:38

Kwo anyun maotyondonooto, ak koriip laitoryat eng' ooreet, ak kowalgei koek age, kotuge togeennyi angeennyi ne kere metit.

1 LAITORINIK 22:8

Ki leenji laitoryatap Israel Jehoshaphat, “Ta komi chiito agenge ne kimuuchi keteepse eng' Kamuktaindet ne Toroor, Mikaia weeriitap Imla. Ago aweche ineendet, amu ma maoteni tuguuk che myachen agobo anee, kobatee yaityet.” Ak ki le Jehoshaphat, “Amat komwa laitoryat ko uu no.”

2 LAITORINIK 6:12

Ki le age eng' otwogikyik, “Achicha, kiptaiyandennyu, ee laitoryat. Mwachin Elisha maotyot ne mi Israel laitoryatap Israel ng'aleek che imwae eng' koong'ung' oriit ne irue.”

1 ATEPTAP PEETUUSYEK 20:1

Ak ye ki neegit kogeskei kenyiit, eng' peetuusyek che ki cham kobendi laitorinik lugeet, komut Joab nyigoonigap lugeet. King'em emetap lagogap Ammon ak kobwa koyiem Rabbah. Ago ki tebi Daudi eng' Jerusalem. Ak ki par Joab Rabbah, kowong'.

2 ATEPTAP PEETUUSYEK 25:11

Konyiganit anyun Amasia, ak kondochi piikyik, kwo Atebweetap Munyuk, ak kobar che po lagogap Seir eliphuusyek taman.

2 ATEPTAP PEETUUSYEK 25:8

Ago ngot imache iwe, iwe, inyiganitu, igimitu eng' lugeet: wiirtoin Kamuktaindet eng' taitap puunyoot; amu tinyei Kamuktaindet kimnateet kotoret, ak kotinyei kimnateet kowiirta.”

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

KALEWANAIK 20:18

Ki kimiiti chobutyet age tugul eng' katigonet; ak iyai lugeet, icheeng' utaatyet.

ISAIAH 26:11

Kasutok eung'ung' Kamuktaindet ne Toroor, ama keerei icheek. Ago keerei kagiileng'ung' pogei agobo piik ak kolilaanso. Ee, laldos puuniguk.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 8:9

Owaach, ee pororyosyechu, si kobiit ketonatonak; ak oep iit, ee okweek tugul che oo po emotinwek che looen; ogermenge, si ketonatonak; ogermenge anyun, si ketonatonak.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.