1 LAITORINIK 2:33 - BUKUIT NE TILIIL Sireet ne Dutero Kanon

³³ Weekyingei anyun korotiikwak metitap Joab, ak metowegap iyotennyi koigeny. Ago mi kaalyeet koigeny ne punu Kamuktaindet ne Toroor, kap Daudi ak iyotennyi, kobooto koonnyi ak ng'echerennyi ne po laitornatet.”

Bukuit Ne Tilil

³³ Weekyingei anyun korotiikwak metitap Joab, ak metowegap iyotennyi koigeny. Ago mi kaalyeet koigeny ne punu Kamuktaindet ne Toroor, kap Daudi ak iyotennyi, kobooto koonnyi ak ng'echerennyi ne po laitornatet.”

BUKUIT NE TILIL

³³ Weekyingei anyun korotikwak metitab Joab, ak metowekab iyotennyi koigeny: ago mi kalyet koigeny ne bunu Jehovah, gab Daudi ak iyotennyi, ak gonnyi ak ng’echerennyi ne bo laitornatet.

1 LAITORINIK 2:33 ပူးပေါင်းရင်းမြစ်များ

TAUNET 42:22

Ak ki wolji Reuben, koleenji, “Ki ma amwaiwok, aleenjok, amoyachi kiy ne ya lakweet? Ago ki ma ocham ogas. Ogeer anyuno, kiyaachei korotiikyik.”

2 SAMUEL 14:9

Ago ki leenji kwonyooto po Tekoa laitoryat, “Kiptaiyandennyu, ee laitoryat, ingotebena tengegi ak kotebee kootap abba, ak ingoek ne ma tinyei ng'oogisto laitoryat ak ng'echerennyi ne po laitornatet.”

1 LAITORINIK 2:32

Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

1 LAITORINIK 2:44

Ki mwachi kogeny laitoryat Shimei koleenji, “Ingen inyee tengektong'ung' tugul ne mi muguleldang'ung'; ne ki iyachi Daudi abba. Nooto anyun weekyin Kamuktaindet ne Toroor tengektong'ung' meting'ung'.

1 LAITORINIK 8:32

igas anyun eng' kipsengwet, ak iyai, irwooksechi otwogiguk, igikyi ineendet ne kalel, si inde kotebee metinnyi ortinwekyik. Iityi imanda ineendet ne po iman, igoochi ineendet ko uu imandanyi.

2 LAITORINIK 5:27

Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

1 ATEPTAP PEETUUSYEK 17:27

Nguno anyun, kebaibaitu iberuur kootap otwogindeng'ung', si kobiit kotep koigeny eng' taing'ung'; amu kaiberuur inyee, ee Kamuktaindet ne Toroor, ak ii iberuurot koigeny.

TIENWOGIKAL 101:8

Ang'eme karonet age tugul kiptengeginik tugul che po emet; si kobiit aisto yaik tugul che po tengekto eng' nganaseetap Kamuktaindet ne Toroor.

TIENWOGIKAL 132:12

Ngot koriip lagoguk arorutyennyu ak pounatennyu ne tuun aneeti, kotebee anyun lagokwak ak icheek ng'echereeng'ung' ne po pounateet agoi koigeny.

TIENWOGIKAL 21:4

Kisoomin saboondo, ak ki igoochi; agot chaang'indap peetuusyek che pendi koigeny ak koigeny.

TIENWOGIKAL 89:29

Achamjini iyotennyi agine kotebi koigeny. Ak ng'echerennyi ne po laitornatet ko uu peetuusyegap kipsengwet.

KALEWANAIK 25:5

Iste kiptengekyot eng' taitap laitoryat, si ki kimiit eng' imanda ng'echerennyi ne po laitornatet.

EZEKIEL 17:19

Mwaei anyun Kiptaiyat Kamuktaindet ne Toroor kole: Ko uu ye asabe, aipchini iman metinnyi kayosyennyu ne Ki kogas ak kayomisennyu ne ki kobut.

KAITOSYEK 32:23

Ago ngot ko moyai ko uu nooto, ko kaoyai tengekto eng' taitap Kamuktaindet ne Toroor, ak onai anyun ole ng'ang'dook tengektong'wong'.

MATAYO 27:25

Ki wol piik tugul kole, “Ingotebenech korotiikyik ak lagokyok.”

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

POISYONIGAP CHE KIYOKTOI 18:6

Ye kingo kirinda ak komwa icheek ng'aleek kochup ineendet, koleglekta ineendet ngoryennyi ak koleenji, “Ingotebi korotiikwok eng' metowekwok; aa tiliil anee. Kobooch nguno ko kawe ye mi Pororyosyek.”

KIRUOGIK 9:24

Ki yaak niito si kobiit koityi kolgolyet Abimelek ak piigap Shekem ko uu ye ki yachi weeriigap Jerubaal tamanwogik tisap, si kotebee korotiikwak paragutap Abimelek ne ki parei icheek, ak paragutap piigap Shekem che ki igimit eunekyik si kobar weeriik che tupcho.