1 LAITORINIK 2:32 - BUKUIT NE TILIIL Sireet ne Dutero Kanon

³² Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

Bukuit Ne Tilil

³² Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

BUKUIT NE TILIL

³² Ak weekyin Jehovah korotikyik metinnyi, amu kibar bik aeng’ che ki bo iman ak ko koigoi kosiir inendet, ak kibar ichek eng’ rotwetab chok, ama ingen kwandanyu Daudi, choto ko Abner weritab Ner, kiptaiyatab lugetab Israel, ak Amasa weritab Jeter, kiptaiyatab lugetab Juda.

1 LAITORINIK 2:32 ပူးပေါင်းရင်းမြစ်များ

TAUNET 4:11

Nguno anyun ko ii chuboot eng' ng'wonyut ne kaiseng'eng' kotaach korotiigap ne otupche kobun euneguk:

TAUNET 42:22

Ak ki wolji Reuben, koleenji, “Ki ma amwaiwok, aleenjok, amoyachi kiy ne ya lakweet? Ago ki ma ocham ogas. Ogeer anyuno, kiyaachei korotiikyik.”

TAUNET 9:6

Chii age tugul ne tumdoi korotiigap chii, ketumdoi chechiik agine; amu eng' itoondonyi ko ki yai `Kamuktaindet chii.

2 SAMUEL 1:16

Yeityo koleenji `Daudi ineendet, “Ingotebee korotiguk meting'ung' amu kagobaoryan kuting'ung' korwogun kole, ‘Ki abar ne iilaat ne po Kamuktaindet ne Toroor.’ ”

2 SAMUEL 17:25

Kiga kolewen `Absalom Amasa koboi lugeet kogeer Joab. Amasa ko ki weeriitap chiito ne kainennyi ko ki Itra Yahudyot, ne ki koipkei ak Abigail cheptap Nahas, chepkametap Zeruiah kametap Joab.

2 SAMUEL 3:29

Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”

2 SAMUEL 3:37

Ki nai anyun piik tugul ak Israel tugul eng' peetuunooto kole, ki ma kobooto laitoryat pareetap Abner weeriitap Ner.

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

2 SAMUEL 4:11

Siirei ne tya ye kabar piik che yaacheen chiito ne po iman eng' koonnyi komi itogunnyi, ko tos ma mage korotiikyik eunekwok ak aistook eng' ng'wony?”

1 LAITORINIK 2:44

Ki mwachi kogeny laitoryat Shimei koleenji, “Ingen inyee tengektong'ung' tugul ne mi muguleldang'ung'; ne ki iyachi Daudi abba. Nooto anyun weekyin Kamuktaindet ne Toroor tengektong'ung' meting'ung'.

1 LAITORINIK 2:5

“Ak kogeny ingen aginye kiit ne ki yaiywo Joab weeriitap Zeruiah, kiit ne ki yachi kiptainik aeng' che po lugosyegap Israel, Abner weeriitap Ner ak Amasa weeriitap Jeter, che kibar, ak kotumda korotiigap lugeet eng' peetuusyegap kaalyeet, ak konde korotiigap lugeet pireneet ne kiga rategei, kobooto kweonik che ki mi keelyekyik.

1 LAITORINIK 8:32

igas anyun eng' kipsengwet, ak iyai, irwooksechi otwogiguk, igikyi ineendet ne kalel, si inde kotebee metinnyi ortinwekyik. Iityi imanda ineendet ne po iman, igoochi ineendet ko uu imandanyi.

2 ATEPTAP PEETUUSYEK 21:13

ago ki iwendote ortinwegap laitorinigap Israel, ak ki igoochi Judah ak che menyei Jerusalem koyai ibeetapkei, ko uu ye ki yai kootap Ahab. Ki ibar kogeny tupchosyeguk che po kootap kwandang'ung', che kigoigoi kosiirin,

2 ATEPTAP PEETUUSYEK 21:14

ara anyun, parei Kamuktaindet ne Toroor piiguk, lagoguk, osotiguk ak tuguuguk tugul, eng' koroito ne oo.

TIENWOGIKAL 7:16

Weekyingei metinnyi yaityennyi; ak kobutyi paragutap metinnyi koroomnatennyi.

TIENWOGIKAL 7:17

Aweekyini Kamuktaindet ne Toroor kongoi ko uu imandanyi; ak atyenjini kalasunet kainetap Kamuktaindet ne Toroor, Ineendet Ne Toroor Miising'.

EZEKIEL 17:19

Mwaei anyun Kiptaiyat Kamuktaindet ne Toroor kole: Ko uu ye asabe, aipchini iman metinnyi kayosyennyu ne Ki kogas ak kayomisennyu ne ki kobut.

KAITOSYEK 32:23

Ago ngot ko moyai ko uu nooto, ko kaoyai tengekto eng' taitap Kamuktaindet ne Toroor, ak onai anyun ole ng'ang'dook tengektong'wong'.

KIRUOGIK 9:24

Ki yaak niito si kobiit koityi kolgolyet Abimelek ak piigap Shekem ko uu ye ki yachi weeriigap Jerubaal tamanwogik tisap, si kotebee korotiikwak paragutap Abimelek ne ki parei icheek, ak paragutap piigap Shekem che ki igimit eunekyik si kobar weeriik che tupcho.

KIRUOGIK 9:57

Ki yaaktechi Kamuktaindet mugetuut piigap Shekem agobo tengekto tugul ne ki yai. Ki nyoonji anyun icheek chubetap Jotham weeriitap Jerubaal.

1 SAMUEL 15:28

Ki mwachi `Samuel ineendet koleenji, “Kagogereerenen Kamuktaindet ne Toroor laitornatetap Israel rani, ak kogoochi chiitap kokweng'ung' ne kaigai eng' inyee.