1 LAITORINIK 2:25 - BUKUIT NE TILIIL Sireet ne Dutero Kanon

²⁵ Ki iyookto anyun Laitoryat Solomon Benaiah weeriitap Jehoiada, ak ki wo kobar ineendet.

Bukuit Ne Tilil

²⁵ Ki iyookto anyun Laitoryat Solomon Benaiah weeriitap Jehoiada, ak ki wo kobar ineendet.

BUKUIT NE TILIL

²⁵ Ak kiiyokto laitoriat Solomon Benaia weritab Jeoiada; ak kiwa kobar inendet.

1 LAITORINIK 2:25 ပူးပေါင်းရင်းမြစ်များ

2 SAMUEL 1:15

Kingo pata, koguur `Daudi age eng' murenik ak koleenji, “Riikte, ibar ineendet.” Ak ki ep ineendet koobut ak kome.

2 SAMUEL 12:10

Nguno anyun, komagoi istogei rotwetap chok eng' koong'ung' amu koisasa ak koimutu osotyotap Uriah Hitindet koek osotyondeng'ung'.

2 SAMUEL 4:12

Ara anyun ki ng'at `Daudi murenikyik ak ki par icheek. Kitil eunekwak ak keelyekwak ak kosonginin eng' ole neegitee tamboiyot ne mi Hebron. Ago ki ip metitap Ishbosheth ak kotupchi kereritap Abner eng' Hebron.

2 SAMUEL 8:18

Ki pou Benaiah weeriitap Jehoiada Keretik ak Peletik ak ki tisiik weeriigap Daudi.

1 LAITORINIK 2:29

Ki kimwachi Laitoryat Solomon keleenji, “Kagomwechi Joab Emaitap Kamuktaindet ne Toroor, ak mi ye po kaptisisyet.” Ki iyookto anyun `Solomon Benaiah weeriitap Jehoiada, koleenji, “Ui ibar ineendet.”

1 LAITORINIK 2:31

Ki leenji `laitoryat ineendet, “Yai ko uu ye kagomwa, ak ibar ineendet ak itup; si kobiit iiste korotiik, che kitumda Joab puch, eng' anee ak eng' kootap abba.

1 LAITORINIK 2:34

Kotogosta anyun Benaiah weeriitap Jehoiada, kwo kokwer ineendet ak kobar, ak ki kitupchi koonnyi eng' surkwen.

1 LAITORINIK 2:46

Ki ng'at anyun laitoryat Benaiah weeriitap Jehoiada; ak kimanda saang' ak kobar ineendet, ak kome anyun. Ak ki kigimit laitornatet eng' eutap Solomon.

KIRUOGIK 15:12

Ak ki leenji `icheek ineendet, “Kagichooruge kebwa keratin, si kobiit kigoiten iwe eutap Philistiik.” Ak ki leenji Samson, “Oyosyeiwo, ole mobara okweeget.”

1 SAMUEL 15:33

Ago ki mwa Samuel kole, “Ko uu ye ki yachi rotweng'ung' po chok kobogorisyek kobetyi lagok, koegu kamenng'ung' agine ne ma tinyei lakwa eng' kobogorisyek.” Ak kimurmur `Samuel Agag kotonaton eng' taitap Kamuktaindet ne Toroor eng' Gilgal.