1 LAITORINIK 19:11 - BUKUIT NE TILIIL Sireet ne Dutero Kanon

¹¹ Ak ki le, “Mande, ak iwe itonone tulweet eng' taitap Kamuktaindet ne Toroor.” Ak ogeero, kisiirto Kamuktaindet ne Toroor, ak ki pet tuloonook usoonet ne oo, ne kiim, ak kotuatui rwandosyek eng' taitap Kamuktaindet ne Toroor; ago ki ma komi Kamuktaindet ne Toroor usoononooto. Kingo pata usoonet kobiit potaneetap ng'wony, ago ki ma komi Kamuktaindet ne Toroor potanonooto po ng'wony.

Bukuit Ne Tilil

¹¹ Ak ki le, “Mande, ak iwe itonone tulweet eng' taitap Kamuktaindet ne Toroor.” Ak ogeero, kisiirto Kamuktaindet ne Toroor, ak ki pet tuloonook usoonet ne oo, ne kiim, ak kotuatui rwandosyek eng' taitap Kamuktaindet ne Toroor; ago ki ma komi Kamuktaindet ne Toroor usoononooto. Kingo pata usoonet kobiit potaneetap ng'wony, ago ki ma komi Kamuktaindet ne Toroor potanonooto po ng'wony.

BUKUIT NE TILIL

¹¹ Ak kile, Mande, ak iwe itonone tulwet eng’ taitab Jehovah. Ak ogeero, kisiirto Jehovah, ak kibet tulonok usonet ne o, ne kim, ak kotuatui ruandosiek eng’ taitab Jehovah; ago kima komi Jehovah usononoto: ak kingobata usonet kobiit botanetab ng’ony; ago kima komi Jehovah botanonato bo ng’ony:

1 LAITORINIK 19:11 ပူးပေါင်းရင်းမြစ်များ

Kitabuutap JOB 38:1

Ki wolji anyun `Kamuktaindet ne Toroor Job eng' kipchurchuryet, koleenji,

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

TIENWOGIKAL 68:8

Kobotan ng'wony, Ak kororok kipsengwet eng' taitap Kamuktaindet: Kobotan Sinai nooto eng' taitap Kamuktaindet, Kamuktaindetap Israel.

TIENWOGIKAL 68:9

Ee Kamuktaindet, ki iyoogu ropta ne oo, ak ki igimit poroteng'ung' ye ki tinyei ng'etatet.

KOMONG'U 19:16

Eng' peetuutap somok anyun, ko kaeech kobiit tuloosyek ak kalyelosyek. Ki ilaach `pooldet ne tuui tulweet ak ki mi cheetap iryageet ne cheei kot. Kibotanso piik tugul che ki mi nganaseet.

KOMONG'U 19:20

Kichoorchigei Kamuktaindet ne Toroor tulweetap Sinai parak ak kiguur `Kamuktaindet ne Toroor Musa kwo tulweet parak, ak kitogosta Musa.

KOMONG'U 20:18

Ye kingo keer piik tugul kalyelosyek ak tulweet ne ki iyeni, ak kogas tuleetap ilotik ak cheetap iryageet, kobotanso eng' arageneet ak kotononso eng' ole loo.

KOMONG'U 24:12

Ki leenji `Kamuktaindet Musa, “Togosu oli ami eng' tulweet ak itebee olito, si agoonin koik che lebeleen che ki asirchi ng'atuutik ak kayomisutik si kobiit ineete piik.”

KOMONG'U 24:18

Ki wo Musa pooldet oriit ak kotogosta tulweet. Ki tebee ineendet tulweet peetuusyek artam ak kemousyek artam.

KOMONG'U 34:2

Chopkei karon ak imusu tulweetap Sinai, ak inyoo tainnyu eng' tulweet parak.

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

EZEKIEL 1:4

Ogeero! Ki ageer usoonetap ropta ne oo komang'une murot kaataam; pooldet ne oo, kobooto kalyeleet ne oo ne kiyiem kakweng'seet ne kiim. Eng' kwenunnyi ko kitogu kiit ne uu itoondap taet, komang'une kwenutap maat.

EZEKIEL 37:7

Ki amaoten anyun ko uu ye ki king'ata: ak ye kita amaoteni, kobiit cheet, ak ogeero, ki piit kirgirenet, ak kinamatkei kawek, ak ki namgei kowet ak kowennyi.

NAHUM 1:3

Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

MATAYO 24:7

Amu tuun setyin pororyet age pororyet age, ak setyin laitornatet age laitornatet age, ak tuun piitu rubosyek ak potaneetap ng'wony eng' emotinwek che teerchiin.

MATAYO 28:2

Keero, ki potan ng'wony miising'; amu ki choorgei malaikaiyatap Kiptaiyat eng' kipsengwet, konyo komilda koita ak kotebee koiata.

HEBRANIK 12:26

ne ki itumdum ng'wony kutinnyi peetuunooto: ago kagoaror anyun nguno, kole, “Ta atumdumi kogeny konyil agenge, ma ng'wony kityo, ago kipsengwet agine.”

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:18

Ak ki piit ilotik, ak kutusweek, ak tuloosyek; ak ki piit potanet ne oo ne po ng'wony, ne ki tomo kobiitu kobooch ngo piit piik eng' ng'wony, potanet ne oo, ne kiim kot.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

1 SAMUEL 14:15

Ki piit potanet eng' nganaseet, eng' emet ak eng' piik tugul. Ki potan lugeet kobooto luulik ak icheek; ak ki potan ng'wony, kot koit kobiit potanet ne oo miising'.