1 LAITORINIK 18:36 - BUKUIT NE TILIIL Sireet ne Dutero Kanon

³⁶ Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

Bukuit Ne Tilil

³⁶ Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

BUKUIT NE TILIL

³⁶ Ak eng’ sait ne kigoitoe kagochinet, konyo maotiot Elija korik, ak kole, Ee Jehovah, Kamuktaindetab Abraham, ak ko bo Isak, ak ko bo Israel, ingonaak rani kele i Kamuktaindet eng’ Israel; ak a otwogindeng’ung’ ak konaak kele kayai tuguchuto tugul eng’ ng’olyondeng’ung’.

1 LAITORINIK 18:36 ပူးပေါင်းရင်းမြစ်များ

TAUNET 26:24

Ak ki mong'ji Kamuktaindet ne Toroor kemounooto ak koleenji, “Aa Kamuktaindet ne po kwandang'ung' Abraham. Meiywei amu ami kobooten, aberuurin ak abaroi iyoteng'ung' amu otwogindennyu Abraham.”

TAUNET 28:13

Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.

TAUNET 31:53

Ingorwookseiywech Kamuktaindetap Abraham, ak Kamuktaindetap Nahor, Kamuktaindetap kwandanywa.” Ak ki iyasyo Jakobo agobo Ineendet ne iywei Isak kwandanyi.

TAUNET 32:9

Ak ki le Jakobo, “Ee, Kamuktaindet ne po abba Abraham, ak Kamuktaindet ne po abba Isak, Ee Kamuktaindet ne Toroor ne ki imwaiwo ileenjo, ‘Iweekyigei emeng'ung', kaptilyonutiguk, ak ayaun ne myee,’

TAUNET 46:3

Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

2 SAMUEL 7:26

Ingitoroor kaineng'ung' koigeny keele, ‘Kamuktaindet ne Toroor ne po lugoosyek ko Kamuktaindet ne pou Israel.’ Ak ki kimiti koigeny kootap otwogindeng'ung' Daudi eng' taing'ung'.

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

1 LAITORINIK 18:29

Kingo week asiis komaotenso agoi sait ne kigoitoe kagoochinet; ago ki ma piit tweguuno, anan ko chii age tugul ne wolu, anan ko chii age tugul ne kasei.

1 LAITORINIK 18:35

Ki itenden peek koyiem kaptisisyet, ak ki inde peek keriinget agine konyi.

1 LAITORINIK 18:37

Kasa, ee Kamuktaindet ne Toroor, kasa, si kobiit konai pichu kole, inyee Kamuktaindet ne Toroor, ko ii Kamuktaindet, ak koiweech mugulelwekwak koweekyinge kogeny.”

1 LAITORINIK 20:13

Ne matyanit koginyo maotyot ole mi Ahab laitoryatap Israel, ak kole, “Kamwa ko uu ni Kamuktaindet ne Toroor kole: Tos kaigeer tuiyoni oo? Keero, andoi eung'ung' rani si inai ile aa Kamuktaindet ne Toroor.”

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

1 LAITORINIK 22:28

Ki leenji Mikaia, “Ngot iweigei iman eng' kaalyeet, ko kaagaa ma ng'alaalena Kamuktaindet ne Toroor.” Ak kites kole, “Ogas okweek piik tugul.”

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

2 LAITORINIK 1:10

Ki wolji `Elijah kiptaiyatap pichooto konom, koleenji, “Ngot ko aa chiitap Kamuktaindet, kochoorgei maat eng' kipsengwet, ak kobeelin kobooto piiguk konom.” Ki choorgei anyun maat eng' kipsengwet ak kobeel ineendet ak piikyik konom.

2 LAITORINIK 1:3

Ago ki leenji malaikaiyatap Kamuktaindet ne Toroor Elijah Tisbindet, “Ng'eet ak iwe otuiye ak piik che kaiyookto laitoryatap Samaria, ak ileenji icheek, ‘Si obe oteepse Baal-sebub kanamwetap Ekron, ko amu ma mi Kamuktaindet Israel?’

2 LAITORINIK 1:6

Ki leenji ineendet, “Konyo chiito kotuiyenech ak koleenjech, ‘Oba oweege ole mi laitoryat ne kaiyokwok, ak oleenji ineendet, Kamwa Kamuktaindet ne Toroor kole: Si iyookte piik koba koteepse Baal-sebub kanamwetap Ekron, ko amu ma mi Kamuktaindet Israel? Nooto anyun, mechooruge anyun eng' itoogut, ago imee iman.’ ”

2 LAITORINIK 19:19

Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”

2 LAITORINIK 20:11

Ki riirchi maotyot `Isaiah Kamuktaindet ne Toroor: ak kiweech urwet kwo let tilutik taman, eng' che kiga korekto eng' kiit ne kirogendoe saisyek ne po Ahaz.

2 LAITORINIK 5:15

Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”

2 LAITORINIK 5:8

Kingo kas Elisha chiitap Kamuktaindet, kole kagereer laitoryatap Israel ngoroikyik, koyookto chiito kwo kaplaitoryat koleenji, “Amu nee si igereer ngoroiguk? Ingonyo oli ami si konai kole mi maotyot Israel.”

1 ATEPTAP PEETUUSYEK 29:18

Ee Kamuktaindet ne Toroor, Kamuktaindetap Abraham, ak ko po Isak, ak ko po Israel, kwanisyekyok, riip ng'olyoondoniito koigeny eng' kabwaatutik che ibwaati mugulelwegap piiguk, ak ichopchigei mugulelwekwak.

2 ATEPTAP PEETUUSYEK 30:6

Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

TIENWOGIKAL 141:2

Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

KOMONG'U 3:6

Ak ki leenji, “Aa Kamuktaindet ne po kwandang'ung', aa Kamuktaindetap Abraham, aa Kamuktaindetap Isak, aa Kamuktaindetap Jakobo.” Ki uny Musa togeennyi, amu ki iywei kogeer Kamuktaindet.

KOMONG'U 4:5

“Si kobiit koyan icheek kole, ki iboorungei Kamuktaindet ne po Toroornatet, ne po kwanisyekwok Kamuktaindetap Abraham, Kamuktaindetap Isak ak Kamuktaindetap Jakobo.”

ISAIAH 37:20

Ara anyun, ee Kamuktaindet ne Toroor, Kamuktaindennyo, sarwech eng' eunnyi, si konai laitornatosyek tugul che po ng'wony kole ii Kamuktaindet ne Toroor, inyee inyegei.

EZEKIEL 36:23

Ak atabaan kainennyu ne oo ne ki kimurwon eng' kwenunnywa; si konai pororyosyek kole aa Kamuktaindet ne Toroor, mwaei Kiptaiyat Kamuktaindet ne Toroor, ye aegu ne kitabaanat eng' okweek eng' tainnywa.

EZEKIEL 39:7

Ak abarte kainennyu ne tiliil eng' piikyuk Israel; ama achamdoi kainennyu ne tiliil king'wanit kogeny: si konai pororyosyek kole aa Kamuktaindet ne Toroor, Ineendet ne Tiliil eng' Israel.

MATAYO 22:32

‘Aa Kamuktaindet ne po Abraham, ne po Kamuktaindet Isak ak Kamuktaindet ne po Jakobo?’ Ineendet ko Kamuktaindet ma ne po che ki kobek, ago che saptos.”

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

POISYONIGAP CHE KIYOKTOI 10:30

Kole anyun Korneli, “Peetuusyek ang'wan rani kobooch yooto agoi saini, ye ki asaae eng' sait sogool eng' koonnyu; ak keero, ki tonon eng' tainnyu mureno ne ilaachi ngoroik che liilei piich,

POISYONIGAP CHE KIYOKTOI 3:1

Ki togosta Petero ak Johana hekaluut eng' sait ne po saaet, sait sogol.

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 3:14

Amu niito anyun agutung'jini Kwanda,