1 LAITORINIK 18:21 - BUKUIT NE TILIIL Sireet ne Dutero Kanon

²¹ Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

Bukuit Ne Tilil

²¹ Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

BUKUIT NE TILIL

²¹ Ak kinyo Elija korikyi bik tugul, ak kolenji, Otebe eng’ kabwatutik aeng’ kot kotianit? Ngot ko Jehovah ko Kamuktaindet, osub inendet: ago ngot ko Baal, osub anyun inendet. Ak ma wolji bik inendet ng’olyo.

1 LAITORINIK 18:21 ပူးပေါင်းရင်းမြစ်များ

TAUNET 24:50

Kowolji Laban ak Bethuel anyun, koleenji, “Punu Kamuktaindet ne Toroor ng'olyoondoni; ma kimuuchi kemwaun ng'olyoot ne ya anan ne myee.

TAUNET 44:16

Ak ki le Judah, “Tos kimwaun nee anyun, kiptaiyandennyu? Ki ng'alaali keleen nee? Anan tos ki ityindoitech ano imanda? Kagonai Kamuktaindet tengektap otwogiguk, ara kimi yu anyun acheeget, ki otwogigap kiptaiyandennyo, ak ineendet ne kaginyoorchi kigombet agine.”

1 LAITORINIK 18:20

Koguur anyun `Ahab piigap Israel tugul ak koyum maotik tugul koba tulweetap Karmel.

1 LAITORINIK 18:39

Kingo keer piik tugul, kobutyi ng'wony ak kole, “Kamuktaindet ne Toroor ko Kamuktaindet; Kamuktaindet ne Toroor ko Kamuktaindet!”

2 LAITORINIK 17:41

Ki iywei anyun pororyosyechuuto Kamuktaindet ne Toroor, ak kootei kanamonikwak che ki kiwai. Ki yai ko uu nooto lagokwak, ak lagogap lagokwak, ki yai ko uu kwanisyekwak, agoi ra.

1 ATEPTAP PEETUUSYEK 17:26

Ara anyun, ee Kamuktaindet ne Toroor, ii Kamuktaindet! Kaiyomisyi otwogindeng'ung' kii myee.

2 ATEPTAP PEETUUSYEK 33:13

Ak ki sa, ak ki kigasyi; ki kas Kamuktaindet ne Toroor soomennyi, ak ki imut ineendet kogeny konyo Jerusalem ole mi laitornatennyi. Konai anyun Manasseh kole Kamuktaindet ne Toroor ko Kamuktaindet.

TIENWOGIKAL 100:3

Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

TIENWOGIKAL 119:113

Aweche icheek che po kabwaatutik aeng'; ago achame ng'atuutyeng'ung'.

HOSEA 10:2

Pcheat muguleldanywa; tinyei ng'oogisto: putei Kamuktaindet ne Toroor kapkorosusyekwak, ng'emei tolochikwak.

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

MATAYO 22:12

ak ki leenji, ‘Chorwani, kenyonunde ano ko metinye ngoryeetap katunisyet?’ Ak ki nam kuut, ma twek.

MATAYO 22:34

Ye kingo kas Pharisaik kole kagoyai `ng'aleegap Jeso Sadukaik konamak kuut, koyumgei

MATAYO 22:36

Kile, “Kaneetindoni, ngoro ng'atuutyet ne oo eng' Ng'atuutik?”

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

LUKA 6:13

Ak ye kingo eech, koguur kasubikyik: ak ki lewen eng' chooto taman ak aeng', che kiguure kainennywa che kiyooktoi;

ROMANIK 3:19

Ak kingen keele tuguuk alak tugul che mwaei Ng'atuutyet, komwachin icheek che miitei eng' pounatetap Ng'atuutyet; si kobiit keger kutit age tugul, ak si ki mutyi ng'wony komugul kirwoogetap Kamuktaindet:

NG'ATUTIK 4:35

Ki kiboorun inyee si kobiit inai ile Kamuktaindet ne Toroor ineendet ko Kamuktaindet ne Toroor, ma mi age kobatee ineendet ineegei.

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”