1 LAITORINIK 17:12 - BUKUIT NE TILIIL Sireet ne Dutero Kanon

¹² Ki leenji, “Ko uu ye sabei Kamuktaindet ne Toroor Kamuktaindeng'ung', koma tinye magatyat, kobatee peek che ng'ootiin che po euut che mi tereet, ak mwaita kitigin ne mi soteet ne ming'in. Abute kweenik aeng', si kekwang'jinegei ak weeriinnyu, si keam, ak kebegu.”

Bukuit Ne Tilil

¹² Ki leenji, “Ko uu ye sabei Kamuktaindet ne Toroor Kamuktaindeng'ung', koma tinye magatyat, kobatee peek che ng'ootiin che po euut che mi tereet, ak mwaita kitigin ne mi soteet ne ming'in. Abute kweenik aeng', si kekwang'jinegei ak weeriinnyu, si keam, ak kebegu.”

BUKUIT NE TILIL

¹² Ak kile, Ko u ye sobei Jehovah Kamuktaindeng’ung’, ko matinye makatiat, kobate busiekab eut che mi teret, ak mwaita kitigin ne mi sotet ne ming’in: ak keero, abute kwenik aeng’, si kekwang’jinege ak werinnyu, si keam, ak kebegu.

1 LAITORINIK 17:12 ပူးပေါင်းရင်းမြစ်များ

TAUNET 21:15

Ye kingo keskei peek eng' soteet, kobagaakta lakweet eng' sondiit oriit.

TAUNET 21:16

Ki wo kotep ng'wony eng' ye loo kitigin, ye itei kipchabet ngemwokto si ma keer meetap lakweet. Ki tep anyun kotoorchigei ineendet ak kowaach koriir.

2 SAMUEL 15:21

Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 17:11

Ak ye kita kowendi koibu, koguur ineendet, koleenji, “Asoomin ale, ibwo magatyat kitigin eng' eung'ung'.”

1 LAITORINIK 17:13

Ki leenji `Elijah ineendet, “Meiywei. Ui ak iyai ko uu ye kaimwa. Ago kwang'wa korook magatyat kitigin ak iibwa komong', yeityo okwang'jigei ak weeriing'ung'.

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

RIREKAB JEREMIA 4:9

Kaigaen icheeget che parei rotwetap chok kosiir icheeget che parei rupeet; che mandoi sabeet mutyo, amu ma nyoor amitwogigap mbar.

MATAYO 26:7

konyonji ineendet kobogoryot ne ki tinyei chuboit ne mi mwaita ne nyamdut ne mi parak miising' alyennyi, ak koroong'ji metitap Jeso ye kita koamisyei.

1 SAMUEL 14:39

Amu ko uu ye sabei Kamuktaindet ne Toroor ne saru Israel, ko agot ngo Jonathan weeriinnyu, komeei iman.” Ago ma piit chii eng' piik tugul ne ki wolji ineendet.

1 SAMUEL 14:45

Ago ki leenji `piik Saulo, “Tos meei Jonathan, ne koyai yetunoni oo eng' Israel? Achicha, ma uu nooto. Ko uu ye sabei Kamuktaindet ne Toroor, koma ibutyin ng'wony agot agenge eng' suumeegap metinnyi, amu kabois ak Kamuktaindet rani.” Ki sar piik anyun Jonathan si ma me.

1 SAMUEL 20:21

Yeityo ayoogu muren aleenji, Ui cheeng' kipchabonik. Ngot amwachi murenonooto aleenji, Keero, miitei kipchabonik komosi, iyum, inyoo anyun, amu ko uu ye sabei Kamuktaindet ne Toroor ko miitei kaalyeet eng' inyee, ama mi ng'oiyondit.

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 25:26

Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.

1 SAMUEL 26:10

Yeityo kole `Daudi, “Ko uu ye sabei Kamuktaindet ne Toroor, kobarei `Kamuktaindet ne Toroor ineendet anan koityi peetuunnyi ne meei anan kwo lugeet kwo komechi olooto.