1 LAITORINIK 16:29 - BUKUIT NE TILIIL Sireet ne Dutero Kanon

²⁹ Ki toi kolaitoran Ahab weeriitap Omri eng' Israel, eng' kenyiitap sosom ak sisiit, ne po Asa laitoryatap Judah. Ki laitoran Ahab weeriitap Omri eng' Israel eng' Samaria kenyiisyek tiptem ak aeng'.

Bukuit Ne Tilil

²⁹ Ki toi kolaitoran Ahab weeriitap Omri eng' Israel, eng' kenyiitap sosom ak sisiit, ne po Asa laitoryatap Judah. Ki laitoran Ahab weeriitap Omri eng' Israel eng' Samaria kenyiisyek tiptem ak aeng'.

BUKUIT NE TILIL

²⁹ Ak kitoi kolaitoran Ahab weritab Omri eng’ Israel, eng’ kenyitab sosom ak sisiit, ne bo Asa laitoriatab Juda: ak kilaitoran Ahab weritab Omri eng’ Israel eng’ Samaria kenyisiek tiptem ak aeng’.

1 LAITORINIK 16:29 ပူးပေါင်းရင်းမြစ်များ

1 LAITORINIK 16:21

Kopcheiyo anyun piigap Israel koek kebeberwek aeng'. Ki isup Tibni weeriitap Ginat piik kebeber, koyai ineendet koek laitoryat, ak ki isup Omri kebeberta age.

1 LAITORINIK 16:23

Ki toi Omri kolaitoran eng' Israel eng' kenyiitap sosom ak agenge ne po Asa laitoryatap Judah, ak ki laitoran kenyiisyek taman ak aeng'. Ki laitoran kenyiisyek lo eng' Tirzah.

1 LAITORINIK 16:24

Ki al tulweetap Samaria ne po Semer eng' eliphuusyek lo che po fedha, ak ki teech nganaseet eng' tulwoonooto. Kiguure nganasanooto Samaria, komwaitae kainetap Semer, chiito ne ki po tulwoonooto.

1 LAITORINIK 16:28

Koru anyun Omri ak kwanisyekyik ak ki kitupchi Samaria. Ki laitoran Ahab weeriinnyi kogeer ineendet.

1 LAITORINIK 16:30

Ki yai Ahab weeriitap Omri yaityet eng' taitap Kamuktaindet ne Toroor kosiir piik tugul che ki indoune ineendet.

1 LAITORINIK 16:33

Ki yai Ahab Asera ak ki yai tuguuk alak kotes kotach Kamuktaindet ne Toroor, Kamuktaindetap Israel, konereech, kosiir laitorinik tugul che po Israel che ki indoune ineendet.

1 LAITORINIK 21:18

“Ng'eet choortegei otuiye ak Ahab laitoryatap Israel, ne menyei Samaria. Mi ineendet mbareetap sabibuk ne po Nabot ole kachoorchigei kwo konam kobunji.

2 ATEPTAP PEETUUSYEK 25:13

Ago ki par piigap lugeet che kiweektoi Amasia kole amaba tugul lugeet, nganasoogap Judah kobooch Samaria kot koit Beth-horon, ki par piik eliphuusyek somok, ak koip parunenik che chaang'.

JEREMIA 41:5

kobwa piik alage kobunu Shekem, Shiloh, ak Samaria, piik tamanwogik sisiit, che kiga konem tamnokwak ak kogereer ngoroikwak, ko kagotilgei, ak koibu kagoochinoik ak tuguuk che nyamdut eng' eunekwak, koibu kobwa kootap Kamuktaindet ne Toroor.

HOSEA 13:1

Ye kingo ng'alaal Ephraim, kobiit potanet; kiitoroorgei eng' Israel: ago kime ye ki ingelel eng' Baal.

MIKAH 6:16

Amu ki oriip ng'atuutigap Omri, ak poisyonik tugul che po kootap Ahab, ak obendate kirwoogutikwak: si kobiit ayain iegu panan, ak ayai piik che menyei olooto koek che kireenyei; ak oip chotisyetap piikyuk.