1 LAITORINIK 14:31 - BUKUIT NE TILIIL Sireet ne Dutero Kanon

³¹ Ki ru anyun Rehoboam kobooto kwanisyekyik, ak ki kitupchi nganaseetap Daudi kobooto kwanisyekyik. Ki kiguure kamet Naamah cheptap Amonik. Ak ki laitoran Abijam weeriinnyi kogeer ineendet.

Bukuit Ne Tilil

³¹ Ki ru anyun Rehoboam kobooto kwanisyekyik, ak ki kitupchi nganaseetap Daudi kobooto kwanisyekyik. Ki kiguure kamet Naamah cheptap Amonik. Ak ki laitoran Abijam weeriinnyi kogeer ineendet.

BUKUIT NE TILIL

³¹ Ak kiru Reoboam koboto kwanisiekyik, ak kigitupchi nganasetab Daudi koboto kwanisiekyik; ak kigiguure kamet Naama cheptab Amonik. Ak kilaitoran Abijam werinnyi kogeer inendet.

1 LAITORINIK 14:31 ပူးပေါင်းရင်းမြစ်များ

1 LAITORINIK 11:1

Ki cham anyun Solomon kwonyiik che chaang' che po pororyosyek, kobooto cheptap Pharaoh, tiibiik che po Moabik, che po Amonik, che po Edomik, che po Sidonik ak che po Hitik;

1 LAITORINIK 11:43

Yeityo koru Solomon kobooto kwanisyekyik, ak ki kitupchi nganaseetap Daudi kwandanyi. Ki laitoran Rehoboam weeriinnyi kogeer ineendet.

1 LAITORINIK 15:1

Ki toi kolaitoran Abijam eng' Judah eng' kenyiitap taman ak sisiit ne po Laitoryat Jeroboam weeriitap Nebat.

1 LAITORINIK 15:24

Ki ru Asa kobooto kwanisyekyik ak ki kitup kobooto kwanisyekyik eng' nganaseetap Daudi kwandanyi. Ak ki laitoran Jehoshaphat weeriinnyi kogeer ineendet.

1 LAITORINIK 15:3

Kiwendote tengekwogik tugul che po kwandanyi che kiga sip koyai eng' ineendet. Ki ma kogesunotkei muguleldanyi eng' Kamuktaindet ne Toroor Kamuktaindennyi, ko uu muguleldap Daudi kwandanyi.

1 LAITORINIK 2:10

Ki ru anyun Daudi kobooto kwanisyekyik ak ketupchi nganaseetap Daudi.

1 LAITORINIK 22:50

Ki ru Jehoshaphat ak kwanisyekyik ak ki kitupchi ole ki kitupchi kwanisyekyik eng' nganaseetap Daudi kwandanyi. Ki laitoran Jehoram weeriinnyi kogeer ineendet.

1 ATEPTAP PEETUUSYEK 3:10

Weeriitap Solomon ko ki Rehoboam, Abijah weeriinnyi, Asa weeriinnyi, Jehoshaphat weeriinnyi,

2 ATEPTAP PEETUUSYEK 12:16

Ki ru Rehoboam kobooto kwanisyekyik ak ki kitupchi nganaseetap Daudi. Ak ki laitoran Abijah weeriinnyi kogeer ineendet.

MATAYO 1:7

kosich `Solomon Rehoboam, kosich `Rehoboam Abijah, kosich `Abijah Asa.

NG'ATUTIK 23:3

“Amat komanda ole mi tuiyetap Kamuktaindet ne Toroor Amonindet anan Moabindet. Agot agoi eng' ibinda ne po taman, ko mat komanda ole mi tuiyetap Kamuktaindet ne Toroor age tugul eng' tilyonutikwak agoi koigeny.