1 LAITORINIK 14:26 - BUKUIT NE TILIIL Sireet ne Dutero Kanon

²⁶ Ki ip konoraigap kootap Kamuktaindet ne Toroor kobooto konoraigap kootap laitoryat. Ki ip tugul, kobooto long'onik tugul che po thahabu che ki yai Solomon.

Bukuit Ne Tilil

²⁶ Ki ip konoraigap kootap Kamuktaindet ne Toroor kobooto konoraigap kootap laitoryat. Ki ip tugul, kobooto long'onik tugul che po thahabu che ki yai Solomon.

BUKUIT NE TILIL

²⁶ ak kiib konoraikab gotab Jehovah, koboto konoraikab gotab laitoriat; kiib tugul: ak kiib long’onik tugul che bo tahabu che kiyai Solomon.

1 LAITORINIK 14:26 ပူးပေါင်းရင်းမြစ်များ

1 LAITORINIK 15:18

Konam anyun Asa fedha ak thahabu tugul che kiga ng'et eng' konoraigap kootap Kamuktaindet ne Toroor, ak konoraigap kootap laitoryat. Konde anyun eunegap otwogik ak ki iyookyi Laitoryat Asa tuguuchooto Ben-Hadad weeriitap Tabrimon, weeriitap Hesion, laitoryatap Syria, ne ki menyei Damasko, koleenji,

1 LAITORINIK 7:51

Ki igeskei anyun poisyet tugul ne ki yai Laitoryat Solomon eng' kootap Kamuktaindet ne Toroor. Yeityo koip Solomon tuguuk che kiga kotabaan Daudi kwandanyi, kobwa ko, fedha, thahabu ak tuguuk che kiboisyee ak konde ole kindoi konoraik eng' kootap Kamuktaindet ne Toroor.

2 LAITORINIK 12:18

Ki nam Jehoas laitoryatap Judah tuguuk tugul che itabaanatiin che kiga itabaan Jehoshaphat, ak Jehoram, ak Ahasia, kwanisyekyik, laitorinigap Judah, ak tuguukyik che itabaanatiin, ak thahabusyek tugul che ki mi konoraigap kootap Kamuktaindet ne Toroor, ak che po kootap laitoryat, ak koyookyi Hazael laitoryatap Syria: ak ki wo anyun kometo Jerusalem.

2 LAITORINIK 14:14

Ki ip thahabu tugul ak fedha, kobooto tuguuk tugul che ki mi kootap Kamuktaindet ne Toroor, ak konoraik che ki mi kootap laitoryat, kobooto luulenik ak icheek, yeityo koweek kwo Samaria.

2 LAITORINIK 24:13

Ak ki ip eng' yooto konoraik tugul che ki mi kootap Kamuktaindet ne Toroor ak che ki mi kootap laitoryat. Kituatui tereenik tugul che po thahabu komengegitu che kiga yai Solomon laitoryatap Israel eng' Hekaluutap Kamuktaindet ne Toroor, ko uu ye ki kamwa Kamuktaindet ne Toroor.

TIENWOGIKAL 39:6

Iman wendoti chii age tugul ko uu urwet ne siirtoi; iman iimegei pichooto puch; iyumi tuguuk, ama naei ne tuun punjin.

KALEWANAIK 23:5

Ye iyaat konyeguk igeer, koma komi? Amu yachingei mogornateet kebebaik, tirireni ko uu kipsiichit kotokyingei parak.