1 LAITORINIK 14:21 - BUKUIT NE TILIIL Sireet ne Dutero Kanon

²¹ Ki laitoran Rehoboam weeriitap Solomon eng' Judah. Ki po Rehoboam kenyiisyek artam ak agenge ye ki tau kolaitorani, ak ki laitoran kenyiisyek taman ak tisap eng' Jerusalem, nganaseet ne ki lewen Kamuktaindet ne Toroor eng' ortinwek tugul che po Israel, si konde kainennyi yooto. Ki kiguure kametap Rehoboam Naamah che po Amonik.

Bukuit Ne Tilil

²¹ Ki laitoran Rehoboam weeriitap Solomon eng' Judah. Ki po Rehoboam kenyiisyek artam ak agenge ye ki tau kolaitorani, ak ki laitoran kenyiisyek taman ak tisap eng' Jerusalem, nganaseet ne ki lewen Kamuktaindet ne Toroor eng' ortinwek tugul che po Israel, si konde kainennyi yooto. Ki kiguure kametap Rehoboam Naamah che po Amonik.

BUKUIT NE TILIL

²¹ Kilaitoran Reoboam weritab Solomon eng’ Juda. Ki bo Reoboam kenyisiek artam ak agenge ye kitau kolaitorani, ak kilaitoran kenyisiek taman ak tisab eng’ Jerusalem, nganaset ne kilewen Jehovah eng’ ortinwek tugul che bo Israel, si konde kainennyi yoto; ak kigiguure kametab Reoboam Naama che bo Amonik.

1 LAITORINIK 14:21 ပူးပေါင်းရင်းမြစ်များ

1 LAITORINIK 11:1

Ki cham anyun Solomon kwonyiik che chaang' che po pororyosyek, kobooto cheptap Pharaoh, tiibiik che po Moabik, che po Amonik, che po Edomik, che po Sidonik ak che po Hitik;

1 LAITORINIK 11:32

Ago punjin ineendet ooreet agenge, agobo otwogindennyu Daudi, ak agobo Jerusalem, nganaseet ne ki alewen eng' ortinwek tugul che po Israel.

1 LAITORINIK 11:36

Tuun agoochini weeriinnyi ooreet agenge, si kolal kotugul taitap Daudi otwogindennyu eng' tainnyu eng' Jerusalem, nganaseet ne ki alewenjigei ande kainennyu yooto.

1 LAITORINIK 11:43

Yeityo koru Solomon kobooto kwanisyekyik, ak ki kitupchi nganaseetap Daudi kwandanyi. Ki laitoran Rehoboam weeriinnyi kogeer ineendet.

1 LAITORINIK 12:17

Ago ki laitorane `Rehoboam piigap Israel che ki menyei nganasoogap Judah.

1 LAITORINIK 14:20

Ki laitoran Jeroboam kenyiisyek tiptem ak aeng', yeityo koru kobooto kwanisyekyik. Ki laitoran Nadap weeriinnyi kogeer ineendet.

1 LAITORINIK 14:31

Ki ru anyun Rehoboam kobooto kwanisyekyik, ak ki kitupchi nganaseetap Daudi kobooto kwanisyekyik. Ki kiguure kamet Naamah cheptap Amonik. Ak ki laitoran Abijam weeriinnyi kogeer ineendet.

1 LAITORINIK 22:42

Ki po Jehoshaphat kenyiisyek sosom ak muut ye ki tau kolaitorani. Ki laitoran kenyiisyek tiptem ak muut eng' Jerusalem. Ki kiguure kamennyi Hasubah cheptap Sili.

1 LAITORINIK 8:16

‘Kobooch peetuut ne ki amutu piikyuk Israel komong' eng' Misiri, koma alewen nganas eng' ortinwek tugul che po Israel ateech koot, si kobiit kotebee yooto kainennyu; ago ki alewen Daudi koboi piikyuk Israel.’

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

1 LAITORINIK 8:44

“Ngot koba piiguk kobargei ak puunikwak, eng' ooreet age tugul ne keyooktoe, ak kosa Kamuktaindet ne Toroor kotokyigei nganasani ki ilewen, kotokyigei kooi koateekyi kaineng'ung',

2 ATEPTAP PEETUUSYEK 12:1

Kingo kagigimit pounatetap Rehoboam ak kogimit agine, kometo ng'atuutigap Kamuktaindet ne Toroor, ineendet ak Israel tugul.

2 ATEPTAP PEETUUSYEK 12:13

Ki igimitkei anyun Laitoryat Rehoboam eng' Jerusalem ak kolaitoran. Ki po kenyiisyek artam ak agenge Rehoboam ye ki tau kolaitorani, ak ki laitoran kenyiisyek taman ak tisap eng' Jerusalem, nganasanooto kiga kolewen Kamuktaindet ne Toroor eng' ortinwek tugul che po Israel, konde kainennyi olooto. Ki kiguure kamet Naamah Jebamonindet.

2 ATEPTAP PEETUUSYEK 13:7

Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.

KOMONG'U 20:24

Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

NG'ATUTIK 12:21

Ngot ko loo eng' inyee ole leweni Kamuktaindet ne Toroor Kamuktaindeng'ung' konde kainennyi, ieny anyun che po akweeng'ung' ak che po keechiireguk che ki kogoonin Kamuktaindet ne Toroor ko uu ye ki ang'atiin ak iam eng' kurgotiguk, ko uu ye machei saboondang'ung'.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 23:3

“Amat komanda ole mi tuiyetap Kamuktaindet ne Toroor Amonindet anan Moabindet. Agot agoi eng' ibinda ne po taman, ko mat komanda ole mi tuiyetap Kamuktaindet ne Toroor age tugul eng' tilyonutikwak agoi koigeny.