1 LAITORINIK 13:18 - BUKUIT NE TILIIL Sireet ne Dutero Kanon

¹⁸ Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

Bukuit Ne Tilil

¹⁸ Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

BUKUIT NE TILIL

¹⁸ Ak kilenji inendet, A maotiot agane ko u inye; ak kang’alalwa malaikaiyat eng’ ng’olyotab Jehovah kole, Imutu inendet konyo gong’ung’, si koamis ak koee beek. Ago kimwachi lembech.

1 LAITORINIK 13:18 ပူးပေါင်းရင်းမြစ်များ

TAUNET 27:24

koteebee koleenji, “Ii weeriinnyu Esau iman?” Kowol kole, “Aa ineendet.”

TAUNET 3:13

koteebee `Kamuktaindet ne po Toroornatet kwondo koleenji, “Nee ni kaiyai?” Kole kwondo, “Kagoberbera ndaret, ak ka aam.”

1 LAITORINIK 13:19

Koweek anyun ak ineendet, kwo koamis eng' koonnyi ak koe peek.

1 LAITORINIK 20:35

Ki leenji chiito age ne po weeriigap maotik chiitap kokwennyi eng' ng'olyootap Kamuktaindet ne Toroor, “Asoomin ale, pira.” Ak ki eesyo chiichooto kobir ineendet.

1 LAITORINIK 22:22

Ki mwachi `Kamuktaindet ne Toroor ineendet koleenji, ‘Iberbertoi ano?’ Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

KALEWANAIK 12:19

Ki kimiiti koigeny kutit ne po iman; ago po sait ne matya ng'elyepta ne mwaei lembech.

KALEWANAIK 12:22

Wechei `Kamuktaindet ne Toroor kutit ne mwaei lembech, ago paibai ineendet eng' che poisyee iman.

KALEWANAIK 19:5

Ma kimetoi paoryatap lembech ama kibir; ak ma chilili ineendet ne mwaei lembechek.

ISAIAH 36:10

Ak tos katogosu kebarge ak emoni ang'em, ama mi kobooto Kamuktaindet ne Toroor? Kimwaiwo Kamuktaindet ne Toroor, koleenjo, Togoste obargei ak emoni ak ing'em.

ISAIAH 9:15

Metit ko poiyot ne konyitot; ak katutyet ko maotyot ne ineeti lembechek.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

JEREMIA 23:32

Mwaei Kamuktaindet ne Toroor kole, ogeero, agirindoi icheek che maoteni karwotitaosyegap lembech, komwaita, ak kogoochi piikyuk kolel amu lembechekwak, ak eng' kachaunennywa pogei ne po puch: ago ma ayookte, anan ang'at icheek; ama toreti pichu agot kitigin, mwaei Kamuktaindet ne Toroor.

JEREMIA 29:31

iyookyi ng'olyoot piik tugul che kigeluul, ileenji, kamwa Kamuktaindet ne Toroor agobo Semaiah Neelamindet, kole: Amu ki komaotenwok Semaiah, ak ki ma ayoogu, ak kogogoonok omang'u lembeita;

JEREMIA 29:32

nooto anyun, mwaei Kamuktaindet ne Toroor kole, ogeero, abire Semaiah Neelamindet, ak iyotennyi; ma sichei chii ne menyei kobooto pichu, ama keerei myeeindo ne ayachini piikyuk, mwaei Kamuktaindet ne Toroor: amu ki mwa ngelelnateet kongelelji Kamuktaindet ne Toroor.

JEREMIA 5:12

Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.”

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 13:8

Mwaei anyun Kiptaiyat Kamuktaindet ne Toroor kole: Amu ki omwa eng' tangoita, ak ogeer lembech, ogeer anyun, aboryenok, mwaei Kiptaiyat Kamuktaindet ne Toroor.

KAITOSYEK 22:35

Ago ki leenji `malaikaiyatap Kamuktaindet ne Toroor Balaam, “Oba ak pichooto, ago imwae ng'olyoot ne amwaun kityo.” Ki pa anyun Balaam kobooto pounigap Balak.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 7:15

Oriibegei maotik che po lembech, che pwonjinok eng' ngoroik che po keechiirek nga suik che amei piich.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

2 KORINTOEK 11:3

Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

GALATYEK 1:8

Agot ngo acheek, anan malaikaiyat ne punu kipsengwet, ne tos amwok logoiywek alak tugul che myach che teer eng' chooto che kigeamwok, ko ingoek ne chuboot ineendet.

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

1 TIMOTEO 4:2

eng' chombilisyetap piik che ng'alaali lembech, che ki koigei kabwaatutikwak che ki kibeelee karnet ne peelei piich;

2 PETERO 2:1

Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

1 JOHANA 4:1

Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

KIRUOGIK 13:3

Kimong'ji malaikaiyatap Kamuktaindet ne Toroor kwonyooto ak koleenji, “Keero, ii soon, ma isigisye, ago imanachi ak isich weeriit.