1 LAITORINIK 11:31 - BUKUIT NE TILIIL Sireet ne Dutero Kanon

³¹ Ki leenji Jeroboam, “Ip kebeberwek taman, amu kale Kamuktaindet ne Toroor, Kamuktaindetap Israel, ‘Keero, arebee laitornatet eng' eutap Solomon, ak agoonin ortinwek taman.’

Bukuit Ne Tilil

³¹ Ki leenji Jeroboam, “Ip kebeberwek taman, amu kale Kamuktaindet ne Toroor, Kamuktaindetap Israel, ‘Keero, arebee laitornatet eng' eutap Solomon, ak agoonin ortinwek taman.’

BUKUIT NE TILIL

³¹ Ak kilenji Jeroboam, Ib kebeberwek taman: amu kale Jehovah Kamuktaindetab Israel, Keero, arebe bounatet eng’ eutab Solomon, ak agonin ortinwek taman:

1 LAITORINIK 11:31 ပူးပေါင်းရင်းမြစ်များ

2 SAMUEL 19:43

Kowolji `piigap Israel piigap Judah koleenji, “Ki tinyei kebeberwek taman eng' laitoryat, ne siirei ketinye kebeberta ne oo eng' Daudi kosiirok. Ara anyun amu nee anyun si osasech, si moteebenech kotom omutu laitoryandennyo?” Ago ki koromitu waluunetap piigap Judah kosiir ng'aleegap piigap Israel.

1 LAITORINIK 12:15

Ma kasyi anyun laitoryat pichooto, amu ki kiit ne ki punu Kamuktaindet ne Toroor, si kobiit kosulda ng'olyoondennyi, ne ki mwa Kamuktaindet ne Toroor eng' Ahija Silonindet, komwachi Jeroboam weeriitap Nebat.

1 LAITORINIK 14:2

Ki leenji `Jeroboam osotyonnyi, “Asoomin ale, ng'eet ak iwalgei si ma kinain keele ii osotyotap Jeroboam, yeityo iwe Shiloh. Mi olooto maotyot Ahija, ne ki mwa agobo anee kole aegu laitoryat abou pichu.

1 LAITORINIK 14:8

ak arep laitornatet eng' kootap Daudi, ak agoonin. Ago ma iigei otwogindennyu Daudi, ne ki riip ng'atuutikyuk, kosuba eng' muguleldanyi komugul, koyai ne myee eng' tainnyu.

2 LAITORINIK 17:21

Ye kibut Israel eng' kootap Daudi, ko ki yai Jeroboam weeriitap Nebat koek laitoryat. Ki imaas Jeroboam Israel si ma isup Kamuktaindet ne Toroor, ak kogoochi icheek koyai tengekto ne oo.

2 ATEPTAP PEETUUSYEK 10:15

Ara ki ma kasyi anyun laitoryat pichooto, amu ki kiit ne ki punu Kamuktaindet, si kobiit kogimit Kamuktaindet ne Toroor ng'olyoondennyi, ne ki mwa eng' Ahija Silonindet komwachi Jeroboam weeriitap Nebat.

1 SAMUEL 15:27

Ye kingo welelgei Samuel kwo, konam Saulo tabandap ngoryennyi; ak kigereer.

1 SAMUEL 15:28

Ki mwachi `Samuel ineendet koleenji, “Kagogereerenen Kamuktaindet ne Toroor laitornatetap Israel rani, ak kogoochi chiitap kokweng'ung' ne kaigai eng' inyee.