1 LAITORINIK 11:13 - BUKUIT NE TILIIL Sireet ne Dutero Kanon

¹³ Ago marebe laitornatet tugul; ago agoochini ooreet agenge weeriing'ung', agobo Daudi otwogindennyu, ak Jerusalem ne ki alewen.”

Bukuit Ne Tilil

¹³ Ago marebe laitornatet tugul; ago agoochini ooreet agenge weeriing'ung', agobo Daudi otwogindennyu, ak Jerusalem ne ki alewen.”

BUKUIT NE TILIL

¹³ Ago marebe bounatet tugul; ago agochini oret agenge wering’ung’, agobo Daudi otwogindennyu, ak Jerusalem ne kialewen.

1 LAITORINIK 11:13 ပူးပေါင်းရင်းမြစ်များ

1 LAITORINIK 11:14

Ki ing'eetyi `Kamuktaindet ne Toroor Solomon puunyoot, Hadad Edomindet, ki po iyoteetap laitoryat eng' Edom.

1 LAITORINIK 11:32

Ago punjin ineendet ooreet agenge, agobo otwogindennyu Daudi, ak agobo Jerusalem, nganaseet ne ki alewen eng' ortinwek tugul che po Israel.

1 LAITORINIK 11:39

Anyalili iyoteetap Daudi amu niito, ago manyalili agoi.”

1 LAITORINIK 12:17

Ago ki laitorane `Rehoboam piigap Israel che ki menyei nganasoogap Judah.

1 LAITORINIK 12:19

Kongelelji anyun Israel kootap Daudi agoi ra.

1 LAITORINIK 12:20

Kingo kas Israel tugul kole kogoweek Jeroboam, koyookto keguur konyo tuiyet, ak koyai ineendet koek laitoryat koboi Israel tugul. Ki ma piit ne ki isup kootap Daudi, kobatee ooreetap Judah kityo.

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.

2 LAITORINIK 17:18

Ki nereekyi anyun Kamuktaindet ne Toroor Israel miising', ak kong'eeto icheek eng' tainnyi. Ma ng'et agot agenge kobatee ooreetap Judah ineegei.

2 LAITORINIK 19:34

‘Amu ariibe nganasani, asaru, agobo anee ak agobo Daudi otwogindennyu.’ ”

2 LAITORINIK 21:4

Ki teech kapkorosusyek eng' kootap Kamuktaindet ne Toroor ne ki mwa Kamuktaindet ne Toroor agobo koyooto kole, “Andoi kainennyu Jerusalem.”

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 8:19

Ago ma cham Kamuktaindet ne Toroor kobar Judah, amu otwogindennyi Daudi, ko uu ye ki iarorchi kogoochi ineendet tait ne po lagokyik peetuusyek tugul.

2 ATEPTAP PEETUUSYEK 21:7

Agot nganda ki uu nooto koma cham Kamuktaindet ne Toroor kong'em kootap Daudi amu kayomiset ne kiga koyomisyi Daudi, ak ko uu ye ki iarorchi ineendet ak lagokyik kole igoochin ineendet tait koigeny.

TIENWOGIKAL 132:1

Ee Kamuktaindet ne Toroor, ibwaat agobo Daudi ibwaat nyalilwogikyik tugul che ki nyoor;

TIENWOGIKAL 132:17

Ayae eng' olooto kuinetap Daudi kong'at; ki achop tait agobo nenyu ne iilat.

TIENWOGIKAL 89:49

Ee, Kiptaiyat, mi ano rireenosyeguk che po keny, Che ki iyasyechi Daudi eng' imandang'ung'?

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 62:1

Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

ISAIAH 62:7

amogoochini ineendet komuuny, agoi kogimit Jerusalem ak koyai koek kalasunet eng' ng'wony.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.