1 KORINTOEK 8:12 - BUKUIT NE TILIIL Sireet ne Dutero Kanon

¹² Ak uu nooto anyun, ye koyachini tengek tupchosyek, ak oguoteni kabwaatennywa ne nyalulat, ko koyachi tengek Kristo.

Bukuit Ne Tilil

¹² Ak uu nooto anyun, ye koyachini tengek tupchosyek, ak oguoteni kabwaatennywa ne nyalulat, ko koyachi tengek Kristo.

BUKUIT NE TILIL

¹² Ak u noto anyun, ye koyachini tengek tupchosiek, ak oguoteni kabwatenywa ne nyalulat, ko koyachi tengek Kristo.

1 KORINTOEK 8:12 ပူးပေါင်းရင်းမြစ်များ

TAUNET 20:9

Ki kuur anyun `Abimelek Abraham, koteebe koleenji, “Koiyaiywech nee? Ak nee chalwok ne koayaun, kot igesenjo ak laitornatennyu tengegi tee ni? Koiyaiywo tuguuk che ma nyolu keyai.”

TAUNET 42:22

Ak ki wolji Reuben, koleenji, “Ki ma amwaiwok, aleenjok, amoyachi kiy ne ya lakweet? Ago ki ma ocham ogas. Ogeer anyuno, kiyaachei korotiikyik.”

KOMONG'U 16:8

Ki le Musa, “Koonok anyun Kamuktaindet ne Toroor panyeek oam koskoleny, ak koonok karon magatiinik oam obiye amu kasei Kamuktaindet ne Toroor kang'unyng'unyeng'wong' ne ong'unyng'ung'jini ineendet. Acheek ko king'o? Ma acheek che ong'unyng'ung'jini ago ong'unyng'ung'jini Kamuktaindet ne Toroor.”

KOMONG'U 32:21

Ki leenji `Musa Aron, “Nee ne kiyaun pichu kot iipchi icheek tengegi oo tee ni?”

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 18:21

Ki nyo anyun Petero ak koteep kole, “Kiptaiyat, nyolu anyochi kaat ne kitupche konyil ata ye kachalwogenjo? Agoi konyil tisap?”

MATAYO 18:6

“Ago age tugul ne inachi age eng' chu mengech iyana, ko kaigai eng' ineendet kirooch kaatinnyi koitap pai ne oo, ak kechoorchi rireetap araraita.

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

MATAYO 25:45

Kowolji anyun kole, ‘Amwaiwok iman ale, ko uu ye ma oyachi agenge eng' chu mengech eng' tugul, koma oyaiywo.’

MARIKO 9:42

“Ak age tugul ne inachi age eng' chu mengech che iyana, ko kaigai eng' ineendet kirooch kaatinnyi koitap pai ne oo, ak kewiirchi araraita.

LUKA 17:2

Kita kaigai eng' ineendet kirooch kaatinnyi koitap pai ne oo ak kewiirchi araraita, kosiir ye inachi age eng' chu mengech.

ROMANIK 14:20

Amowechawech poisyetap Kamuktaindet eng' amitwogik. Tiliileen tuguuk tugul iman; ago ya eng' chiichooto amei eng' kanagut.

1 KORINTOEK 12:12

Amu ko uu ye agenge poorto, ak kotinyei kebeberwek che chaang', ak kebeberwek tugul che po poorto, agot ngo chaang', ko poorto agenge; ko uu nooto agine Kristo.

1 SAMUEL 2:25

Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.

1 SAMUEL 24:11

Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.