1 KORINTOEK 15:47 - BUKUIT NE TILIIL Sireet ne Dutero Kanon

⁴⁷ Chiito ne po tai ko po ng'wony, po ng'ung'unyek; chiito ne po aeng' ko po kipsengwet.

Bukuit Ne Tilil

⁴⁷ Chiito ne po tai ko po ng'wony, po ng'ung'unyek; chiito ne po aeng' ko po kipsengwet.

BUKUIT NE TILIL

⁴⁷ Chito ne bo tai ko bo ng’ony, bo ng’ung’unyek: chito ne bo aeng’ ko bo kipsengwet.

1 KORINTOEK 15:47 ပူးပေါင်းရင်းမြစ်များ

TAUNET 2:7

Ak ki yai Kamuktaindet ne po Toroornatet chiito eng' ng'ung'unyek, ak kobusyi seruunekyik kabuuset ne po saboondo. Ki ek anyun chiichooto chiito ne sabei.

TAUNET 3:19

Iame amitwogik eng' kaotigap togeng'ung' kot koit iweekyigei ng'wony amu ki kinemunenen yooto; amu ii ng'ung'uny, iweekyinigei ng'ung'unyek.”

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

LUKA 2:11

amu kagisikwok Yetindet rani, eng' nganaseet ne po Daudi, nooto Kristo Kiptaiyat.

JOHANA 3:31

Oo ineendet ne punu parak kosiir tugul: ineendet ne po ng'wony ko po ng'wony, ak ng'alaali che po ng'wony: ineendet ne punu kipsengwet ko oo kosiir tugul.

JOHANA 6:33

Amu magatyat ne po Kamuktaindet ko nooto choorugei eng' kipsengwet, ak kogoochi ng'wony saboondo.”

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

1 KORINTOEK 15:46

Ago ma indoi nooto po Kabuuset ne Tiliil, ago nooto po poorto; ye ibata ko nooto po Kabuuset ne Tiliil.

2 KORINTOEK 5:1

Amu kingen keele ngo putok koot ne po ng'wonyuni ne poorwekyok, ketinye teekseet ne punu Kamuktaindet, koot ne ki ma kiteech eng' eunek, po koigeny, eng' kipsengwet.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.