1 KORINTOEK 1:28 - BUKUIT NE TILIIL Sireet ne Dutero Kanon

²⁸ ak ki lewen Kamuktaindet tuguuk che ma taagunotiin che po ng'wony, ak tuguuk che kisasei, ak tuguuk che ma miitei, si kowal koek puch tuguuk che miitei:

Bukuit Ne Tilil

²⁸ ak ki lewen Kamuktaindet tuguuk che ma taagunotiin che po ng'wony, ak tuguuk che kisasei, ak tuguuk che ma miitei, si kowal koek puch tuguuk che miitei:

BUKUIT NE TILIL

²⁸ ak kilewen Jehovah tuguk che ma toogunotin che bo ng’ony, ak tuguk che kisasei, ak tuguk che mamitei, si kowal koek buch tuguk che mitei:

1 KORINTOEK 1:28 ပူးပေါင်းရင်းမြစ်များ

Kitabuutap JOB 34:24

Tonatoni piik che kiimeen eng' ortinwek che ma naoksei, ak konde alak kogeer icheeget.

TIENWOGIKAL 32:10

Nyooru ng'waninwogik che chaang' kiptengekyot, ago kimuute rireenetapkei ne imang'u Kamuktaindet ne Toroor.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

ISAIAH 37:36

Ak kimanda malaikaiyatap Kamuktaindet ne Toroor, ak kobar piik eliphuusyek pogol ak tamanwogik sisiit ak muut eng' nganaseetap piigap Assyria: ak kingo ng'eetyo piik karon, ogeero, kimuuswek tugul, che kogobek.

ISAIAH 41:12

Icheeng'e icheek, amenyooru, agot icheek che obaregei: egu puch che poryenen, ak kogergeit ak kiy puch.

ROMANIK 4:17

(ko uu ye siraat kole, “Kaayain iegu kwandap pororyosyek che chaang' ”) eng' taitap ne ki koyan ineendet, nooto ko Kamuktaindet, ne isoobi che ki kobek, ak koguurei tuguuk che ma mi, ko uu che mi.

1 KORINTOEK 1:20

Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

1 KORINTOEK 2:6

Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

2 KORINTOEK 12:11

Kaaberberitu: ki obircha; amu kota nyolu oloswa okweek: amu ki ma aa po let eng' kiy age tugul eng' che koiyooktoi che eecheen kosiir, agot ngo ma aa kiy.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

NG'ANG'UTYET 18:17

Amu kabetyo eng' sait agenge mogornatosyek che eecheen che uu chooto.” Ak kitonondos eng' ole loo kiptaiyat age tugul ne po moinget, ak age tugul ne punei moinget kowendi oldo tugul, ak piik che poisyei eng' melisyek, ak tugul che nyooru porotennywa eng' nyanjet,