1 JOHANA 5:14 - BUKUIT NE TILIIL Sireet ne Dutero Kanon

¹⁴ Ak ni nyiganateet ne ketinye eng' ineendet, keele ngesoom kiy age tugul ko uu magennyi, kogaseech:

Bukuit Ne Tilil

¹⁴ Ak ni nyiganateet ne ketinye eng' ineendet, keele ngesoom kiy age tugul ko uu magennyi, kogaseech:

BUKUIT NE TILIL

¹⁴ Ak ni nyiganatet ne ketinye eng’ inendet, kele ngesom kiy age tugul ko u magennyi, kogasech:

1 JOHANA 5:14 ပူးပေါင်းရင်းမြစ်များ

1 LAITORINIK 3:12

nguno anyun ko kaayai ko uu ng'olyoondeng'ung'. Kaagoonin muguleldo ne utaat ak kotinyei kaguiyet; ne ki tomo kobiitu age ne ogerge, ama kobiitu age ne ogerge eng' let.

Kitabuutap JOB 34:28

Kot kogoochi riiregap kibananook koit ole mi ineendet, ak ki kas riiregap che kinyaliili.

TIENWOGIKAL 145:19

Isuldochin icheeget che iywei ineendet kiit ne machei icheek; kasei ineendet riirekwak, ak saru icheeget.

TIENWOGIKAL 31:22

Ago ki amwa eng' sartaet ale, “Kigeistaa eng' taing'ung'.” Ago ki igas soomutikyuk, ye ki ariirchin.

TIENWOGIKAL 34:17

Ye ki riiryo che po iman, ko ki kas Kamuktaindet ne Toroor, ak ki sar icheek eng' nyalilwogikwak tugul.

TIENWOGIKAL 69:33

Amu kasei Kamuktaindet ne Toroor che ponondos, Ak masasei kimonjororinikyik.

KALEWANAIK 10:24

Kiit ne iywei kiptengekyot ko nooto ne nyoonjin ineendet, ago kigoochin che po iman tuguuk che machei.

KALEWANAIK 15:29

Looe `Kamuktaindet ne Toroor kiptengeginik, ago kasei saautigap che po iman.

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

MATAYO 21:22

Tuguuk alak tugul che osoome eng' saaet, oyani, otaache.”

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

JOHANA 14:13

Ak kiit age tugul ne osoome eng' kainennyu, ayae, si kegonyit Kwanda eng' Weeriit.

JOHANA 15:7

Ngot omenya, ak komenyok ng'aleekyuk, osoom anyun kiy age tugul ne omache, si keyaiywok.

JOHANA 16:24

Tom osoom kiy eng' kainennyu: osoom, si onyooru, si kobiit kosulda poiboiyeng'wong'.”

JOHANA 9:31

Kingen keele ma kasei Kamuktaindet kiptengeginik: ago ngo lasu chii age tugul Kamuktaindet, ak koyai magennyi, kogasei ineendet.

EPESOEK 3:12

ki tinyei eng' ineendet nyiganateet ak kamang'unet ne kiriikyine ineendet amu kiyani ineendet.

HEBRANIK 10:35

Amowiirte anyun nyiganateng'wong', ne tinyei melekto ne oo.

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

JAKOBO 4:3

Osoome, amosiche, amu ya soomeng'wong', si oyae maguutikwok.

JAKOBO 5:16

Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.

1 JOHANA 2:28

Ak nguno anyun, lagochu mengech, omeny ineendet; si ye tuun kaging'aany ineendet, kesich nyiganateet, ama kililani eng' tainnyi eng' nyonunennyi.