1 JOHANA 5:13 - BUKUIT NE TILIIL Sireet ne Dutero Kanon

¹³ Kasirwak tuguuchu, si kobiit onai ole otinye saboondap koigeny, okweek che oyani kainetap Weeriitap Kamuktaindet.

Bukuit Ne Tilil

¹³ Kasirwak tuguuchu, si kobiit onai ole otinye saboondap koigeny, okweek che oyani kainetap Weeriitap Kamuktaindet.

BUKUIT NE TILIL

¹³ Kaasirwak tuguchu, si kobiit onai ole otinye sobondab koigeny, okwek che oyani kainetab Weritab Jehovah.

1 JOHANA 5:13 ပူးပေါင်းရင်းမြစ်များ

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

JOHANA 2:23

Ye ki mi Jerusalem eng' paska, komi igoorto, koyan piik che chaang', kainennyi, kogeerei kaboorunoikyik che ki yai.

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 21:24

Ni anyun ko kasubindet ne paoryanjin tuguuchu, ak ne ki sirei tuguuchuuto ak kingen keele po iman paornatennyi.

JOHANA 3:18

Ma kirwookyin chii ne iyani ineendet: ago ineendet ne ma iyani, ko kagirwookyi, amu ma iyan eng' kainetap Weeriitap Kamuktaindet ne ki kiii ineegei.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

POISYONIGAP CHE KIYOKTOI 3:16

Ak kagogoochi kainennyi chiichi kimnateet, amu kayanet eng' kainennyi, chiichi ogeere ak ongen okweek: ee, kayanet ne mi eng' Jeso ko kagogoochi chiichi sabeet ne igesunotkei eng' taing'wong' okweek tugul.

POISYONIGAP CHE KIYOKTOI 4:12

Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”

2 KORINTOEK 5:1

Amu kingen keele ngo putok koot ne po ng'wonyuni ne poorwekyok, ketinye teekseet ne punu Kamuktaindet, koot ne ki ma kiteech eng' eunek, po koigeny, eng' kipsengwet.

GALATYEK 4:6

Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!”

1 PETERO 5:12

Kasirwak eng' ng'aleek tutigin, eng' eutap Silvano, tupchennyo ne kiyani, ko uu ye abwaati, amwaiwok inne, ak abaoryani ale myeeindap iman ni ne po Kamuktaindet: otononse olumdegei.

1 JOHANA 1:4

Kagi sirwok anyun tuguuchuuto si kobiit kosulda poiboiyennyo.

1 JOHANA 2:1

Lagokyuk che mengech, asirwok tuguuchu, si moyai tengek. Ak ngot koyai chii tengek, ketinye Ne saiywech Kwanda, ineendet Jeso Kristo ne po imanda:

1 JOHANA 2:21

Ma asirwak amu mongen imanit, kasirwak amu ongen, amu ma mi lembeita ne mang'unee imanit.

1 JOHANA 2:25

Ak ni arorutyet ne ki iarorwech ineendet, nooto ko saboondap koigeny.

1 JOHANA 2:26

Kaasirwak tuguuchu agobo icheek che machei kobeetook.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

1 JOHANA 4:9

Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

1 JOHANA 5:10

Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.

1 JOHANA 5:11

Ak paornatanooto ko ni, keele, ki koonech Kamuktaindet saboondap koigeny, ak mi sabooniito Weeriinnyi.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.