1 JOHANA 2:28 - BUKUIT NE TILIIL Sireet ne Dutero Kanon

²⁸ Ak nguno anyun, lagochu mengech, omeny ineendet; si ye tuun kaging'aany ineendet, kesich nyiganateet, ama kililani eng' tainnyi eng' nyonunennyi.

Bukuit Ne Tilil

²⁸ Ak nguno anyun, lagochu mengech, omeny ineendet; si ye tuun kaging'aany ineendet, kesich nyiganateet, ama kililani eng' tainnyi eng' nyonunennyi.

BUKUIT NE TILIL

²⁸ Ak nguno anyun, lagochu mengech, omeny inendet; si ye tun kaging’any inendet, kesich nyiganatet, ama kililani eng’ tainnyi eng’ nyonunennyi.

1 JOHANA 2:28 ပူးပေါင်းရင်းမြစ်များ

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

MALAKI 3:2

Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

MALAKI 4:5

“Ogeero, ayookwok maotyot Elijah kotom konyo peetuut ne oo, ne koroom ne po Kamuktaindet ne Toroor.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

LUKA 17:30

uu nooto eng' peetuut ne kibooru Weeriitap chii.

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

1 KORINTOEK 1:7

si moletu eng' konunotyot age tugul; ogeni ng'ang'utyetap Kiptaiyandennyo Jeso Kristo.

1 KORINTOEK 15:23

Ago chii tugul eng' komostanyi: Kristo ko tongoaniat; ye ibata ko icheek che po Kristo, eng' nyonunennyi.

EPESOEK 3:12

ki tinyei eng' ineendet nyiganateet ak kamang'unet ne kiriikyine ineendet amu kiyani ineendet.

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

1 THESSALONIKEK 2:19

Amu tos nee kamang'unennyo, anan poiboiyennyo, anan kuutweet ne po toroornatet? Tos ma okweek, eng' taitap Kiptaiyandennyo Jeso eng' nyonunennyi?

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

1 TIMOTEO 6:14

ale iriip ng'atuutyet amanyoor peruut, ne ma kimuuchi keger kong', agoi tagunetap Kiptaiyandennyo Jeso Kristo:

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 1:7

si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:

1 PETERO 5:4

Ak ye tuun took Mestowot ne oo, onyooru kuutweet ne po liilindo ne ma petei.

1 JOHANA 2:1

Lagokyuk che mengech, asirwok tuguuchu, si moyai tengek. Ak ngot koyai chii tengek, ketinye Ne saiywech Kwanda, ineendet Jeso Kristo ne po imanda:

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

1 JOHANA 3:21

Chamanichu, ngot koma irwokwech mugulelwekyok ketinye nyiganateet eng' taitap Kamuktaindet;

1 JOHANA 4:17

Kigeyai chamyet koek ne ititaat eng' acheek, si kobiit kesich nyiganateet eng' peetuutap kirwooget; amu ko uu ole uu ineendet, keu nooto acheek eng' ng'wonyuni.

1 JOHANA 5:14

Ak ni nyiganateet ne ketinye eng' ineendet, keele ngesoom kiy age tugul ko uu magennyi, kogaseech:

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.