1 JOHANA 2:20 - BUKUIT NE TILIIL Sireet ne Dutero Kanon

²⁰ Ak ki kiilak eng' Ineendet ne Tiliil, ak ongen okweek tugul.

Bukuit Ne Tilil

²⁰ Ak ki kiilak eng' Ineendet ne Tiliil, ak ongen okweek tugul.

BUKUIT NE TILIL

²⁰ Ak kigiilak eng’ Inendet ne Tilil, ak ongen okwek tugul.

1 JOHANA 2:20 ပူးပေါင်းရင်းမြစ်များ

TIENWOGIKAL 16:10

Memetoi saboondanyu eng' ye mi meet; amechamjini kogeer neng'ung' ne tiliil nunet.

TIENWOGIKAL 23:5

Ichobwoo amitwogik aamis eng' meset eng' ole mi puunikyuk; kaiilee metinnyu mwaita; kagonyi kigombennyu kot kong'irtagei.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 71:22

Alasun agane eng' kibugandet, agobo imandang'ung', ee Kamuktaindennyu; atyenun kalasunoik eng' ketubet, ee Inyee ne Tiliil ne po Israel.

TIENWOGIKAL 92:10

Ago kiitoroor kuinennyu ko uu kuinetap soet: Kagiilena mwaita ne karaaran.

KALEWANAIK 28:5

Ma iguitos piik che yaach kirwooget, ago iguitos tuguuk tugul icheeget che cheeng'ei Kamuktaindet ne Toroor.

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

ATEPTAP LAWIK 7:35

Niito kebebertap Aron ak weeriikyik che punu kagoochinoik che kigoochin Kamuktaindet ne Toroor, kobun maat. Ki kitabaanji icheek kong'etee peetuut ne ki kindoi koboisyechi Kamuktaindet ne Toroor eng' tisiisyet.

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

MARIKO 1:24

kole, “Kiting'egei nee ak inyee, Jeso ne po Nazareth? Kenyo ing'emech? Angenin ale, ii Ne Tiliil ne po Kamuktaindet.”

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

LUKA 4:34

kole, “Pagaaktech! Kiting'egei nee ak inyee, Jeso ne po Nazareth? Kenyo inyee si ibarech? Kaanain inyee ale ii Ne Tiliil ne po Kamuktaindet.”

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 16:13

Ago ye tuun kagonyo ineendet, Kabuuset ne Tiliil ne po imanit, kondoiywok agoi oit imanda tugul: amu ma mwaei ineegei; ago mwaei tuguuk tugul che kasei: ak kong'ang'wok tuguuk che pwoonei.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 3:14

Ago ki otiiye okweek Ineendet ne Tiliil ak ko po Imanda, ak osom ole kegonok rumiindet,

1 KORINTOEK 2:15

Ago ineendet ne mi eng' atebeetap Kabuuset ne Tiliil kobestos tuguuk tugul, ago ma mi chii ne ibestos ole teptoi chiichooto.

HEBRANIK 1:9

Ichame imanda ak iweche tengekto; eng' nooto anyun, ki koiilin Kamuktaindet, ineendet Kamuktaindeng'ung' eng' mwaitap poiboiyet kosiir siritoiguk.”

HEBRANIK 8:11

Amu koneeti chii tugul chiitap kokwennyi, anan koneet chii age tugul ne tupcho, koleenji, ‘Ni Kiptaiyat,’ amu tuun naa tugul kobooch ne ming'in eng' icheek kot koit ne oo.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

1 JOHANA 4:13

kingen eng' niito keele kimenye eng' ineendet ak komenyech ineendet, amu ki kogoonech keyamde kobun Kabuusennyi ne Tiliil.

JUDA 1:5

Amache anyun abwaatwok, agot nganda ki onai komyee tuguuchu tugul, ale kingo sar `Kiptaiyat piik komong' eng' emetap Misiri, eng' let kobar icheek che ki ma iyan.

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”