1 JOHANA 2:17 - BUKUIT NE TILIIL Sireet ne Dutero Kanon

¹⁷ Ak siirtoi ng'wony, kobooto magennyi: ago ineendet ne yaei mageetap Kamuktaindet kotebyei koigeny.

Bukuit Ne Tilil

¹⁷ Ak siirtoi ng'wony, kobooto magennyi: ago ineendet ne yaei mageetap Kamuktaindet kotebyei koigeny.

BUKUIT NE TILIL

¹⁷ Ak siirtoi ng’ony, koboto magennyi: ago inendet ne yaei magetab Jehovah kotebyei koigeny.

1 JOHANA 2:17 ပူးပေါင်းရင်းမြစ်များ

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 143:10

Ineeta ayai mageng'ung'; amu inyee ko ii Kamuktaindennyu. Myee kabuuseng'ung'; ingondoiywa eng' emetap lititindo.

TIENWOGIKAL 39:6

Iman wendoti chii age tugul ko uu urwet ne siirtoi; iman iimegei pichooto puch; iyumi tuguuk, ama naei ne tuun punjin.

TIENWOGIKAL 90:9

Amu ki kosiirto peetuusyekyok tugul eng' nereegeguk: Kiwong'u acheek kenyiisyekyok ko uu atindyot ne ki kimwa.

KALEWANAIK 10:25

Ye siirto kipchurchuryet koma komi kiptengekyot, ago lumeiywot ne po koigeny chiito ne po iman.

MATAYO 21:31

Ng'oo eng' chooto aeng' ne ki yai mageetap kwandanywa?” Kole, “Ne po tai.” Ki mwachi `Jeso icheek koleenji, “Amwaiwok iman ale, sip kondoenak koitei laitornatetap Kamuktaindet taagigap aisuruut ak chepkugonik.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

MATAYO 7:21

Ma age tugul ne leenjino “Kiptaiyat, Kiptaiyat,” ne itei pounatetap kipsengwet, ago ineendet ne yaei mageetap Abba ne mi kipsengwet.

MARIKO 3:35

Amu chii age tugul ne yaei mageetap Kamuktaindet, ko nooto weeriit ne ketupche ak chepto ne kitupche ak kamennyu.”

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 6:58

Ni magatyandanooto ne ki choorgei eng' kipsengwet: ma ko uu ye ki am kwanisyek ak kobek: ineendet ne amei magatyandani kosabei koigeny.”

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

1 KORINTOEK 7:31

ak icheeget che poisyee ng'wony, koigei che ma poisye miising': amu siirtoi itoondap ng'wonyuni.

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 4:3

Amu niito mageetap Kamuktaindet, nooto katabaaneng'wong', si kobiit oistoegei sokseet.

1 THESSALONIKEK 5:18

omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

JAKOBO 4:14

ago mongen kiit ne piitu karon. Nee sabeeng'wong'? Amu okweek ko oo kibungweret, ne taagu ne matya, yeityo kobet.

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.