1 ATEPTAP PEETUUSYEK 29:19 - BUKUIT NE TILIIL Sireet ne Dutero Kanon

¹⁹ Ak igoochi weeriinnyu Solomon muguleldo ne ititaat, si koriip ng'atuutiguk, paornatosyeguk ak kaneetisyosyeguk, koyai chuuto tugul, ak koteech kootap laitoryat, ne ki achopchi tuguuchuuto.”

Bukuit Ne Tilil

¹⁹ Ak igoochi weeriinnyu Solomon muguleldo ne ititaat, si koriip ng'atuutiguk, paornatosyeguk ak kaneetisyosyeguk, koyai chuuto tugul, ak koteech kootap laitoryat, ne ki achopchi tuguuchuuto.”

BUKUIT NE TILIL

¹⁹ ak igochi werinnyu Solomon muguleldo ne igesunotgei, si korib ng’atutiguk, ak baornatosieguk, ak konetisiosieguk, ak koyai tuguchuto tugul, ak koteech gotab laitoriat, ne kiachopchi tuguchuto.

1 ATEPTAP PEETUUSYEK 29:19 ပူးပေါင်းရင်းမြစ်များ

2 LAITORINIK 17:37

Oriip oyai eng' peetuusyek tugul agoi, kaneetisyosyek ak katigonutik, ng'atuutyet ak kayomiset, che kisirwak. Amat oiywei kanamonik.

1 ATEPTAP PEETUUSYEK 22:14

Keer anyuno, ki achopchi kootap Kamuktaindet ne Toroor eng' nyalildanyu talendaisyek eliphuusyek pogol che po thahabu, ak talendaisyek milonit agenge che po fedha; kobooto sugunonik ak kariik che ma iitoksei, amu ng'iisyat. Ki achop keetiik ak icheek ak koik. Ak imuuchi kota ites alak.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:18

Ee Kamuktaindet ne Toroor, Kamuktaindetap Abraham, ak ko po Isak, ak ko po Israel, kwanisyekyok, riip ng'olyoondoniito koigeny eng' kabwaatutik che ibwaati mugulelwegap piiguk, ak ichopchigei mugulelwekwak.

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

TIENWOGIKAL 119:80

Ingoek ne ititaat muguleldanyu eng' ng'atuutiguk; si ma lilan.

TIENWOGIKAL 72:1

Ee Kamuktaindet, igoochi laitoryat kirwoogutiguk, Ak igoochi imandang'ung' weeriitap laitoryat.

TIENWOGIKAL 72:2

Irwookyin piiguk eng' imanda, Ak kobesyechi kibananoguk.

ISAIAH 38:3

kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.