1 ATEPTAP PEETUUSYEK 29:17 - BUKUIT NE TILIIL Sireet ne Dutero Kanon

¹⁷ Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

Bukuit Ne Tilil

¹⁷ Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

BUKUIT NE TILIL

¹⁷ Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

1 ATEPTAP PEETUUSYEK 29:17 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:16

Ee Kamuktaindet ne Toroor, Kamuktaindennyo, punu eung'ung' tuguuchuuto tugul kogechop si keteegunenen koot ne po kaineng'ung' ne tiliil, cheguuk tugul.

1 ATEPTAP PEETUUSYEK 29:18

Ee Kamuktaindet ne Toroor, Kamuktaindetap Abraham, ak ko po Isak, ak ko po Israel, kwanisyekyok, riip ng'olyoondoniito koigeny eng' kabwaatutik che ibwaati mugulelwegap piiguk, ak ichopchigei mugulelwekwak.

1 ATEPTAP PEETUUSYEK 29:9

Ki poiboitu anyun piik, amu ki igoito eng' chamyet, amu ki igoochi Kamuktaindet ne Toroor eng' muguleldo ne igesunotkei. Ki paibait agine Laitoryat Daudi eng' poiboiyet ne oo.

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

TIENWOGIKAL 51:6

Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

TIENWOGIKAL 51:8

Koono agas kagasetapkei ak poiboiyet; si koboiboitu kawek che ki iri.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

KALEWANAIK 11:20

Wechei `Kamuktaindet ne Toroor icheeget che imaasotin mugulelwek, paibai ineendet eng' che ititaatiin eng' ooreenywa.

KALEWANAIK 16:2

Tiliileen ortinwek tugul che po chii ye keerei, ago keerei `Kamuktaindet ne Toroor mugulelwek eng' karagendoet.

KALEWANAIK 17:3

Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.

KALEWANAIK 21:2

Leen chii po iman poisyonikyik tugul, ago keerei `Kamuktaindet ne Toroor mugulelwek eng' karagendoet.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

POISYONIGAP CHE KIYOKTOI 24:16

Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 9:7

Ingogoito chii age tugul ko uu ye Ki kochop eng' muguleldanyi; ma eng' ng'ooknateet, anan torchinet: amu chamei Kamuktaindet ne igoitoi eng' poiboiyet.

NG'ATUTIK 8:2

Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.

1 THESSALONIKEK 2:10

Oo paorinik okweek, kobooto Kamuktaindet, agobo ole ki kitepte acheeget eng' kwenung'wong' okweek che oyani, eng' tiliilindo ak eng' imanda koma ki tinyei kiy ne kirwoogunenech:

PILEMON 1:20

Ee, tupchennyu, inganyoorunenen poiboiyet eng' Kiptaiyat. Imuung'ji muguleldanyu eng' Kristo.

PILEMON 1:7

Amu ki atinye poiboiyet ne oo ak kagaigaet eng' chamyeng'ung', amu kigonyoor kamuung'et mugulelwegap piik che tiliileen agobo inyee, ne kitupche.

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”