1 ATEPTAP PEETUUSYEK 29:12 - BUKUIT NE TILIIL Sireet ne Dutero Kanon

¹² Punun mogornatosyek ak teegisto, ak ibou tugul. Mi eung'ung' kimnateet ak kamuktaet, inyee ne ieeti ak igoochini tugul kimnateet.

Bukuit Ne Tilil

¹² Punun mogornatosyek ak teegisto, ak ibou tugul. Mi eung'ung' kimnateet ak kamuktaet, inyee ne ieeti ak igoochini tugul kimnateet.

BUKUIT NE TILIL

¹² Bunun magornatosiek ak teegisto, ak ibou tugul; ak mi eung’ung’ kimnatet ak kamuktaet; inye ne ieeti, ak inye ne igochini tugul kimnatet.

1 ATEPTAP PEETUUSYEK 29:12 ပူးပေါင်းရင်းမြစ်များ

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilasu kaineng'ung' ne po toroornatet.

2 ATEPTAP PEETUUSYEK 1:12

kagegoonin anyun utaatyet ak naet. Ak agoonin mogornatosyek, chaang'indap tuguuk ak teegisto, che tomo konyoor laitorinik che ki kondounenen, amaa kobiitu age ne nyooru ko uu nooto.”

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

2 ATEPTAP PEETUUSYEK 20:6

ak ki le, “Ee Kamuktaindet ne Toroor, Kamuktaindetap kwanisyekyok, tos ma ii Kamuktaindet eng' kipsengwet? Tos ma ii pounindet ne pou laitornatosyek tugul che po pororyosyek? Mi eung'ung' kimnateet ak kamuktaet, ne ma mi ne imuuchi kogirinden.

2 ATEPTAP PEETUUSYEK 32:29

Kichopchigei nganasook, ak ki tinyei akwotisyegap keechiirek ak che po tuuga eng' chaang'indo; amu kiga kogoochi Kamuktaindet tuguuk ng'iisyat.

Kitabuutap JOB 42:10

Kowal anyun `Kamuktaindet ne Toroor ratetap Job, ye kingo sa agobo choronokyik. Ki igoochi `Kamuktaindet ne Toroor Job konyil aeng' kosiir che ki tinyei eng' tai.

Kitabuutap JOB 9:19

Ngeng'alaal agobo kabeletapkei, ko kiim inee, ak ngot ko kiy ne po kirwook, ko ng'oo ne chobwa peetuut?

TIENWOGIKAL 103:19

Kigogimiit Kamuktaindet ne Toroor ng'echerennyi ne po laitornatet eng' kipsengwet; ak pou laitornatennyi tugul.

TIENWOGIKAL 28:8

Kamuktaindet ne Toroor ko kimnateetap piikyik; ineendet irimeetap yetunetap nenyinet ne ki kiil.

TIENWOGIKAL 29:1

Ogoochi Kamuktaindet ne Toroor, ee okweek weeriigap che kiimeen, ogoochi Kamuktaindet ne Toroor teegisto ak kimnateet.

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

KALEWANAIK 10:22

Imogornoni `kaberuretap Kamuktaindet ne Toroor, ama testoi riirek.

KALEWANAIK 8:18

Atinye mogornatosyek ak teegisto, mogornatosyek che tebyei ak imanda.

AMDOINDET 5:19

Ak chii age tugul agine ne ki igoochi Kamuktaindet mogornatosyek ak chaang'indap tuguuk, ak kogoochi kimnateet ne ame tuguuchooto, koip kebebertanyi, ak kobaibaitune poisyennyi; niito anyun ko konunetap Kamuktaindet.

ISAIAH 40:29

Igoochin kimnateet ne nyaluli; ak tesyin kimnateet ineendet ne ma tinyei kamuget.

ISAIAH 43:13

Ee, aa ineendet kobooch agoi, ama mi age ne imuuchi korep eng' eunnyu: aboisyei, ak ng'oo ne imuuchi koger?

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

JOHANA 19:11

Kowolji Jeso koleenji, “Kama ko tetinye kimnateet iyaiywo kiy, nda kama kigoonin eng' parak; nooto anyun, tinyei ineendet ne koindea euneguk tengekto ne oo kosiir.”

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

NG'ATUTIK 8:18

Ago ibwaat Kamuktaindet ne Toroor Kamuktaindeng'ung' amu ineendet ne koonin kimnateet ne inyoorunee mogornateet, si kogimit kayomisennyi ne ki iyasyechi kwanisyeguk, ko uu ye yaei rani.

PILIPIK 4:13

Amuuchi ayai tuguuk tugul eng' ineendet ne igimita.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

JOSHUA 4:24

si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

NG'ANG'UTYET 11:17

kole, “Kimwaun kongoi, ee Kiptaiyat Kamuktaindet, Ne po Kamuktaet, ne imi ak ki imi; amu ka inam kamuktaeng'ung' ne oo, ak ibou.