1 ATEPTAP PEETUUSYEK 29:1 - BUKUIT NE TILIIL Sireet ne Dutero Kanon

¹ Ki leenji `Laitoryat Daudi tuiyet tugul, “Ta ko ming'in Solomon weeriinnyu, ne ki lewen ineegei Kamuktaindet, ak kota ko etyet, ak ko oo poisyet; amu koyooto po laitoryat koma po chiito, po Kamuktaindet ne po Toroornatet.

Bukuit Ne Tilil

¹ Ki leenji `Laitoryat Daudi tuiyet tugul, “Ta ko ming'in Solomon weeriinnyu, ne ki lewen ineegei Kamuktaindet, ak kota ko etyet, ak ko oo poisyet; amu koyooto po laitoryat koma po chiito, po Kamuktaindet ne po Toroornatet.

BUKUIT NE TILIL

¹ Ak kilenji laitoriat Daudi tuiyet tugul, Ta ko ming’in Solomon werinnyu, ne kilewen inegei Kamuktaindet, ak ko ta ko etyet, ak ko o boisiet: amu goyoto bo laitoriat ko ma bo chito, bo Jehovah Kamuktaindet.

1 ATEPTAP PEETUUSYEK 29:1 ပူးပေါင်းရင်းမြစ်များ

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

1 LAITORINIK 1:20

Keerin konyegap Israel tugul inyee laitoryat kiptaiyandennyu, imwachi ne namei ng'echereetap laitornatet ne po kiptaiyandennyu laitoryat.

1 LAITORINIK 3:7

Ak nguno anyun, ee Kamuktaindet ne Toroor Kamuktaindennyu, ki iyai otwogindeng'ung' koek laitoryat kogeer Daudi abba, ago anee, kota ko aa lakweet ne ming'in; mangen ole amandoitoi ak ole among'undoi.

1 ATEPTAP PEETUUSYEK 22:2

Ki ng'at Daudi kiyum punootik che ki mi emetap Israel, ak ki inde musogik che waei koik kowai koik si keteege kootap Kamuktaindet.

1 ATEPTAP PEETUUSYEK 22:5

Ki le Daudi, “Ta ko ming'in weeriinnyu Solomon, ak ko etyet, ak nyolu kogararanit miising' koot ne keteekyin Kamuktaindet ne Toroor, konyoor tagunateet ak toroornatet eng' emotinwek tugul. Ko uu nooto anyun achopchini tuguuk koyooto.” Kochop anyun Daudi tuguuk ng'iisyat kotom kome.

1 ATEPTAP PEETUUSYEK 28:1

Ki iyum `Daudi pounik tugul che po Israel eng' Jerusalem, kobooto pounigap ortinwek, kiptainigap kweanaik che kiboisyechin laitoryat eng' riipseet, kiptainigap eliphuusyek, kiptainigap pogolwogik ak pounik che ki pou tuguuk tugul che po laitoryat, ak che po weeriikyik, kobooto kiptainik, piik tugul che kiimeen ak che nyigoonen.

1 ATEPTAP PEETUUSYEK 28:10

Riipkei anyun; amu ki kolewenin Kamuktaindet ne Toroor iteech koot ne po ole-tiliil. Kimitu anyun ak iteech.”

1 ATEPTAP PEETUUSYEK 28:8

“Ara anyun nguno, eng' taitap Israel tugul, tuiyetap Kamuktaindet ne Toroor ak kogasei Kamuktaindennyo: Oriip ak ocheeng' ng'atuutik tugul che po Kamuktaindet ne Toroor Kamuktaindeng'wong', si kobunjook emoni karaaran ak obagakyi lagokwok koek porotennywa koigeny.

1 ATEPTAP PEETUUSYEK 29:19

Ak igoochi weeriinnyu Solomon muguleldo ne ititaat, si koriip ng'atuutiguk, paornatosyeguk ak kaneetisyosyeguk, koyai chuuto tugul, ak koteech kootap laitoryat, ne ki achopchi tuguuchuuto.”

2 ATEPTAP PEETUUSYEK 1:2

Ki ng'alaalji `Solomon Israel tugul, kiptainigap eliphuusyek ak che po pogolwogik, kirwoogik ak pounindet age tugul eng' Israel tugul ak kandoigap kooriigap kwanisyek.

2 ATEPTAP PEETUUSYEK 13:7

Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.

KALEWANAIK 4:3

Amu ye ki aa ming'in eng' kootap abba, ki aa tala ak ki aa chamat eng' taitap kamennyu,

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.