1 ATEPTAP PEETUUSYEK 23:28 - BUKUIT NE TILIIL Sireet ne Dutero Kanon

²⁸ Amu kiboisyennywa koboisyechi weeriigap Aron agobo poisyetap kootap Kamuktaindet ne Toroor, eng' seremusyek, ak eng' kooriik che po oriit, ak eng' kaanyinyetap tuguuk tugul che tiliileen, poisyetap otisyetap kootap Kamuktaindet;

Bukuit Ne Tilil

²⁸ Amu kiboisyennywa koboisyechi weeriigap Aron agobo poisyetap kootap Kamuktaindet ne Toroor, eng' seremusyek, ak eng' kooriik che po oriit, ak eng' kaanyinyetap tuguuk tugul che tiliileen, poisyetap otisyetap kootap Kamuktaindet;

BUKUIT NE TILIL

²⁸ Amu ki boisienywa koboisiechi werikab Aron agobo boisietab gotab Jehovah, eng’ seremusiek, ak eng’ gorik che bo orit, ak eng’ kaanyinyetab tuguk tugul che tililen, boisietab otisietab gotab Kamuktaindet;

1 ATEPTAP PEETUUSYEK 23:28 ပူးပေါင်းရင်းမြစ်များ

1 LAITORINIK 6:5

Ki teech kooriik alak che mi parak eng' koot, koyiem inaatutap koot, konamatkei ak inatusyegap koot eng' komoswek tugul, eng' Hekaluut ak koot ne po oriit; ak ki teech kooriik alak che mi koot taban eng' komoswek tugul.

1 ATEPTAP PEETUUSYEK 18:17

ki pou Benaiah weeriitap Jehoiada Keretik ak Peletik; ak ki che eecheen weeriigap Daudi che ki tebee ye neegitee laitoryat.

1 ATEPTAP PEETUUSYEK 23:27

Amu ki kiit weeriigap Lawi eng' ng'aleegap Daudi che po let, kobooch che po kenyiisyek tiptem ak che siirei.

1 ATEPTAP PEETUUSYEK 23:29

agobo magatinigap kabartaet ak icheek, ak peek che ng'ootiin che tambulul che po kagoochinetap peek, ngo che po magatiinik che ma kinde mermereek anan che kigelei eng' taabeet, anan che kinuuri, ak eng' tuguuk alak tugul che kigerisye ak che teerchiin eng' ooindo.”

1 ATEPTAP PEETUUSYEK 23:4

Ki tononjin poisyetap kootap Kamuktaindet ne Toroor eliphuusyek tiptemu ak ang'wan eng' pichooto; ak ki eliphuusyek lo kiptainik ak kirwoogik.

1 ATEPTAP PEETUUSYEK 28:13

Ki igoochi kogeny pcheutigap riipsosyegap Tisiik ak Lawiik, ne po poisyet tugul ne po otisyetap kootap Kamuktaindet ne Toroor ak ne po tuguuk tugul che kiboisyee eng' kootap Kamuktaindet ne Toroor.

2 ATEPTAP PEETUUSYEK 23:4

Ni kiit ne oyae: egu riibiigap kurgotik kebeberta agenge eng' somok eng' okweek, che pwoonei eng' peetuutap sabato, che po Tisiik ak Lawiik;

2 ATEPTAP PEETUUSYEK 23:6

Ago amochamji chii konyo kootap Kamuktaindet ne Toroor, kobatee tisiik, ak Lawiik che otisyei; pwoonei icheeget amu tiliileen: ago riibei piik tugul riipseetap Kamuktaindet ne Toroor.

2 ATEPTAP PEETUUSYEK 29:15

Ki iyum tupchosyekwak ak koanyinygei, ak koba ko kotiliil kootap Kamuktaindet ne Toroor ko uu ng'atuutyetap laitoryat, kosuubi ng'aleegap Kamuktaindet ne Toroor.

2 ATEPTAP PEETUUSYEK 29:5

ak koleenji, “Ogas, okweek Lawiik; oanyinyge, ak oanyiny kootap Kamuktaindet ne Toroor, Kamuktaindetap kwanisyekyok, ak omaande tuguugap simdo eng' ole-tiliil.

2 ATEPTAP PEETUUSYEK 31:11

Ki ng'at anyun Hezekiah kechop kooriik che mengeechen eng' kootap Kamuktaindet ne Toroor; ak ki chop.

2 ATEPTAP PEETUUSYEK 31:2

Kipchei Hezekiah riipsosyegap Tisiik ak Lawiik kobee riipsosyekwak, chii tugul ko uu poisyennyi, Tisiik ak Lawiik agobo kagoochinoik che kibeelei ak kagoochinoik che po kaalyeet, kootis eng' ormariichogap nganaseetap Kamuktaindet ne Toroor ak koweekta kongoi ak kolas.

EZRAH 8:29

Oriipse ak oriip tuguuchooto agoi obiman eng' kooriik che po oriit eng' kootap Kamuktaindet ne Toroor eng' taitap che eecheen eng' tisiik, Lawiik ak pounik che po kooriigap kwanisyekwok che po Israel eng' Jerusalem.”

NEEMIA 11:24

Petaia weeriitap Mesesabel, ne po lagogap Zerah weeriitap Judah, ko kitoretindetap laitoryat eng' ng'aleek tugul che po piik.

NEEMIA 13:9

Yeityo ang'at kitiliil koorichooto po oriit. Ki aip kogeny tuguugap kootap Kamuktaindet koba yooto, kobooto kagoochinoigap peek che ng'ootiin ak tuguuk che nyamdut.

JEREMIA 35:4

ki amutu kobwa kootap Kamuktaindet ne Toroor, agoi koot ne po oriit ne po weeriigap Hanan weeriitap Igdalia, chiitap Kamuktaindet ne Toroor, ne kineegite koot ne po oriit ne po pounik, ne ki mi paragutap koot ne po oriit ne po Maaseia weeriitap Shallum, riibindetap kurgeet.

EZEKIEL 40:17

Ki kimutwaa anyun anyo seremut ne ki mong'jin, ak ogeero, kimitoti kooriik che po oriit, ak ole ki kibunoti ole ki kimale koik, che ki kiyai koyiem seremut: ki mi kooriik sosomu olooto ki kimale koik.

EZEKIEL 41:26

Ak ki mi tirisyok che regerotiin ak itoonwegap tiironigap sosik eng' komosi ak komosin, eng' komoswegap keterut: ki uu nooto koorchooto mengeechen che ki mi inaatutap koot, ak pambanik che nyigiisen.

EZEKIEL 42:13

Ki leenjo anyun, Kooriik che mengeechen che mi murot kaataam ak che mi murot tai, che tokyindos ak komosato mi taban, chooto ko kooriik che tiliileen, ole ame tisiik che neegitee Kamuktaindet ne Toroor tuguuk che tiliileen miising': konoree olooto tuguuk che tiliileen miising', kobooto kagoochinoigap peek che ng'ootiin, ak kagoochinoigap tengekto, ak kagoochinoigap chalwokto; amu tiliil komosato.

EZEKIEL 42:3

Ki mi komoswek aeng'u che ki kibendote che kiitoorchindos, che ki po kooriik che ki kiyap koba parak konyil somok, che kitokyingei mitainik tiptem che po euut che po seremut ne po oriit, ak che kitokyingei ole ki kimale koik che po seremut ne sip kemong'jin.

EZEKIEL 44:14

Nganda uu nooto, ayae icheek koek riibiigap ng'atuutyetap koot, amu poisyennyi tugul, ak amu tuguuk tugul che kiyaei eng' oriit.