1 ATEPTAP PEETUUSYEK 15:29 - BUKUIT NE TILIIL Sireet ne Dutero Kanon

²⁹ Kingo it `moingetap arorutyetap Kamuktaindet ne Toroor nganaseetap Daudi, koiitito Mikal cheptap Saulo eng' tirisia, kogeer Daudi kourereni ak kogasigei; ki sas ineendet eng' muguleldanyi.

Bukuit Ne Tilil

²⁹ Kingo it `moingetap arorutyetap Kamuktaindet ne Toroor nganaseetap Daudi, koiitito Mikal cheptap Saulo eng' tirisia, kogeer Daudi kourereni ak kogasigei; ki sas ineendet eng' muguleldanyi.

BUKUIT NE TILIL

²⁹ Ak kingoit moingetab arorutietab Jehovah nganasetab Daudi, koiit Mikal cheptab Saul eng’ tirisiet, kogeer laitoriat Daudi kourereni ak kogasigei; ak kisas inendet eng’ muguleldanyi.

1 ATEPTAP PEETUUSYEK 15:29 ပူးပေါင်းရင်းမြစ်များ

2 SAMUEL 6:16

Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

1 ATEPTAP PEETUUSYEK 15:28

Koip anyun `Israel tugul moingetap arorutyetap Kamuktaindet ne Toroor kotogos kogasanugei eng' tuugeet ne oo, ak koguutonu iryagook, ak kobironu sanisyek che po sugunonik, ak kobutonu kibugandinik ak ketubosyek.

1 ATEPTAP PEETUUSYEK 17:1

Ye ki menyei Daudi koonnyi, koleenji `ineendet maotyot Nathan, “Keero, amenye kootap keetiigap taragonik, ago menyei moingetap arorutyetap Kamuktaindet ne Toroor emait oriit.”

TIENWOGIKAL 149:3

Ingolas kainennyi ye urerendos, ingotyenji ineendet kalasunoik eng' sugutit ne ming'in ak ketubet.

TIENWOGIKAL 150:4

Olasu ineendet eng' sugutit ne ming'in ak ureryet; olasu ineendet eng' kibugandinik che po inoik ak ndurerusyek.

TIENWOGIKAL 30:11

Ki iwal kateennyu koek ureryet; ki ireegunena kuniet, ak ilaakwa poiboiyet.

KOMONG'U 15:20

Ki nam anyun Miriam kwondo ne maotyoo, chepkametap Aron, sugutit ne ming'in eng' eunnyi ak ki isup `ineendet kwonyiik tugul che ki ibei sugutisyek che mengeechen kotyenoti.

AMDOINDET 3:4

peetuut ne ki riirtos ak peetuut ne kiroritos; peetuut ne kiteitos ak peetuut ne kiurereni;

JEREMIA 3:16

Ye tuun kaotesage ochaang'itu eng' emet, eng' peetuusyechooto, mwaei Kamuktaindet ne Toroor, koma komwaei icheek kogeny kole, “Moingetap arorutyetap Kamuktaindet ne Toroor.” Ama chutei metit, ama kobwaati icheek, ama kemage kiy; ama keyaei kogeny.

JEREMIA 30:19

Ak komang'une olooto kongoi ak kutitap icheeget che igasegei: ak ates icheek, ama kong'ering'itu; atoroori kogeny icheek, ama konyeratitu.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

KAITOSYEK 10:33

Ara ki toi icheek panda ne po peetuusyek somok kong'etye tulweetap Kamuktaindet ne Toroor. Ki indoe icheek moingetap arorutyetap Kamuktaindet ne Toroor eng' pandap peetuusyek somok, kocheeng'jinoti ole imuung'ee.

POISYONIGAP CHE KIYOKTOI 2:13

Ago kichombil alak kole, “Kabogityo eng' divaik che leelach.”

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

2 KORINTOEK 5:13

Agot ngo kogobetech met, ko eng' Kamuktaindet; anan ngo litit ng'omnatennyo, ko amu okweek.

NG'ATUTIK 31:26

“Oip bukuini po ng'atuutik ak onde ole neegitee moingetap arorutyetap Kamuktaindet ne Toroor Kamuktaindeng'wong', si kotebee olooto koek paoryat agobo inyee.

HEBRANIK 9:4

ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;

JOSHUA 4:7

Oleenji amu kipcheigei peegap Jordan eng' taitap moingetap arorutyet ne po Kamuktaindet ne Toroor, ak ye kilong'une moingonooto Jordan, kotononso peegap ainanooto kototen. Egu koichu anyun kabwaatet eng' piigap Israel koigeny.”

KIRUOGIK 20:27

Ak kiteebe `piigap Israel Kamuktaindet ne Toroor, (amu ki mi olooto moingetap arorutyetap Kamuktaindet eng' peetuusyechooto,

1 SAMUEL 25:44

Kiga kogoochi `Saulo Mikal cheptonyi, ne ki osotyotap Daudi Palti weeriitap Lais ne ki po Galim.

1 SAMUEL 4:3

Ye kingo it piigap lugeetap Israel nganaseet, koteep poisyegap Israel kole, “Amu nee si kobarech Kamuktaindet ne Toroor rani eng' taitap Philistiik? Ongeibu moingetap arorutyetap Kamuktaindet ne Toroor eng' Shiloh konyo kwenunnyo si kosarwech eng' eunegap puunikyok.”