Yuda 1:8 - Eriragano Erihya

⁸ Kora ego, abhantu bhanú bhatakumwigwa Waryubha bharya, bhahunkeeni kya bhayo. Bhararoota ebhirooto, bhinú bhirakonʼya emibhiri gyabho, kweki bhirabhakora bhaange obhutungi bhwa Waryubha na okutuka ebhibhumbwa bhya obhukuru bhinú bhiringi murwire.

Yuda 1:8 ပူးပေါင်းရင်းမြစ်များ

Ruuka 11:25

‘Ndahunjuka kumuntu waani unú naarwa-mo.’

Ruuka 12:11

“Hanú murihirwa mumasinagogi, na embere ya abhakuru, na embere ya abhatungi, mutariija okubha na enkubhi eguru ya amangʼana ganú murigamba, kasi kya ego murikyukya.

Ruuka 19:14

Nawe omuntu uyo, abhantu bha ekyaro kyaye, bhaaringa bhamusokeri bhukongʼu. Ego, bhakatuma abhachaama bhamuseete, bhagambe ega, ‘Tutakwenda omuntu unu, abhe omukama weetu!’

Amakorwa ga Abhatumwa 23:5

Pauro akabhakyukya ega, “Abhahiiri bhaani, ntaari mmanyiri ega, ngʼo omusyengeri omukuru! Mmanyiri yaangʼoorwa ega, ‘Otamugamba obhubhiibhi omutungi weenyu.’”

Amakorwa ga Abhatumwa 7:27

Nawe, urya yaaringa aranyahaara omurikyaye, akasukuma Musa embarika, enu aragamba ega, ‘Uuwe otaringi omutungi kora omubhuturi wa ekiina weetu!

Amakorwa ga Abhatumwa 7:39

“Nawe, Abhaisiraeri bhayo, bhajaaji weetu, bhakaanga okumwigwa Musa, bhakamusukumira embarika. Bhakagwatwa na enamba ya okuhunjuka Misiri.

1 Abhakorinto 3:17

Nyoore omuntu araasarye erisyengerero rya Waryubha, omuntu uyo, Waryubha arimusarya, kwa okubha erisyengerero rya Waryubha ni-rirabhu, na erisyengerero riyo m-beenyu.

1 Abhatesaronike 4:8

Kwa ego, omuntu wowonse unú araanga ameehigiryo ganu, atakwanga omuntu, nawe, aramwanga Waryubha unú arabhahaana bheenyu Omutima waaye Omurabhu.

1 Timoteo 1:10

Kweki, gaatuurwa-ho kurusumo rwa abhasuunu na bhanú bharakora abhasaaja abharikyabho kya abhakari, bhanú bhareebha na okugurya abhantu, abhabheehi, na bhanú bharateena kwa obhubheehi, hamwi na bhanú bharakora kyokyonse kinú kitakuringʼaana na ameehigiryo ga obhuhoru.

Abhaebhurania 13:17

Mubhasuuke abhatungi bheenyu na okwisuuhya kubheene, kwa okubha bheeki mbo bharabhanyankira na bheeki bhariruusya erisaabhu ryabho eguru ya emirimu gyabho. Mubhasuuke, naho bhakore emirimu gyabho kwa obhujomerwa. Nawe, nyoore mutakubhasuuka, bhataakore emirimu gyabho kwa obhujomerwa, na emirimu giyo gitaabhe na obhwera bhobhonse kubheenyu.

1 Petero 2:17

Musuuke abhantu bhonsego, na muhanje abheekirirya abharikyenyu. Mumwigwe Waryubha, na musuuke omukama weenyu.