Yuda 1:6 - Eriragano Erihya

⁶ Kweki muhiituke bhamaraika bhanú bhateeswanga na obhutungi bhunú bhaaringa nabho, bhakatiga egimenyo gyabho, Waryubha yaabhabhoha mukisunte kwa eminyororo gya koko. Eyo bharaganyirira orusiku orukuru rurya rwa okubhuturirwa ekiina.

Yuda 1:6 ပူးပေါင်းရင်းမြစ်များ

Mataayo 10:15

Ndabhakeerya obhuheene ega, kurusiku rwa okubhutura ekiina, Waryubha aribhajibhya bhururu, abhantu bha omugi guyo, okukira kya ego aribhajibhya abhantu bha Sodoma na Gomora!

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Mataayo 8:29

Mbe, ebhihwi bhikakora ekituri bhikagamba ega, “Ee Omwana wa Waryubha, uuna enyanko-ki na bheetu, oratutuna? Bhoono, uujiri okutusikya enú eribhaga ryetu ritarahika?”

Yoana 8:44

Bheenyu m-ba Erisambwa, riyo ndyo eseweenyu! Kwa ego, mureenda okukora ganú eseweenyu areegomba. Erisambwa ni-riiti okwambira obhusimuka. Ritahanjiri obhuheene, kwa okubha obhuheene bhuyo, bhutarimo mumutima gwaryo. Ryeki riragamba obhubheehi, ngʼyo enteemo yaaryo, kwa okubha eryene ni-bheehi, kweki ndyo esewaabho obhubheehi bhonsego.

Abharuumi 2:5

Uuwe uuna ekisiraani, kweki oraanga okumwihunjurira Waryubha. Kwa ego, oreekumanirya obhujibhu kurusiku runú Waryubha aribhuturira ekiina abhantu, kwa obhuheene.

Abhaefeso 6:12

Ndagamba ego, kwa okubha, eriihe ryetu ritaringi gati yeetu na abhantu, nawe, eriihe ryetu, riringi eguru ya abhasirikare bha ebhihwi ebhibhiibhi, bhya orwire rwa eginkoro. Turarwana na abhatungi, abhakuru na abha eginguru bha eguru bhanú bhagwatiriri orwire runu orwa ekisunte.

Abhaebhurania 10:27

Kwa ego, turatigara okuganyirira obhubhuturi bhwa ekiina bhwa Waryubha, bhunú bhuroobhohwa na omururo omuhaari gunú guribhasikya abhantu bhonsego bhanú bharamwanga Waryubha.

2 Petero 2:4

Na bhamaraika bhanú bhaasarya, Waryubha ataabhaabhira, nawe yaabheesa mwituko rya ekisunte kinú kikurirye, muyo bhabhoherwe na eminyororo, bharaganyirira orusiku rwa okubhuturirwa ekiina.

2 Petero 2:9

Bhoono, amangʼana gonsego gayo garatoorokya-ki? Garoorokya ega, Omukuru Waryubha amanyiri kya ego aratuurya abhantu bhanú bharamwigwa, okurwa mumasakyo. Kweki amanyiri kya ego aratuura abhasarya munyanko, okuhikira orusiku rwa okubhabhuturira ekiina,

Yuda 1:13

Bharatamwa okwiribhira kya amabhooka amanene ga munyanja, na amakorwa gaabho ga eginsoni garanyaragana kya erihuro rya amabhooka. Bharingi kya eginjota ginú girayengayenga ginú gitakutura okoorokererya enjira. Waryubha yaabhaseemerya omweya mukisunte kinú kikurirye, naho bhariija okwikara muyo koko.

Obhukundukuri 20:10

Na Erisambwa rinú ryabhangʼeena, riryeswa munyanja ya omururo omuhaari. Muyo mmo ogutyenyi ogunene gurya na omurooti wa obhubheehi urya bheeswa. Bhonse bharinyankibhwa eyo obhutiku na omubhasu, koko na koko.

Obhukundukuri 20:2

Akarigwata erijoka, riyo ndyo enjoka ya akare inú erabhirikirwa Omusarya kasi Erisambwa. Akaribhoha omunyororo na akaryesa mukibhohe kya amasambwa. Akasiika ekiseku, akatuurira orubhaaso rwa obhurimbo naho ritariija okungʼeena kweki abhantu bha ebhyaro. Erisambwa rikabhohwa muyo emyaka ekiku kimwi. Hanú eribhaga riyo ririhwa, riryenderwa risiikurirwe kwa eribhaga ekego.